Isker áıelder keńesiniń tóraıymy Sáýle Halelqyzynyń aıtýynsha, «Atameken» mıkro qarjy uıymy IÁK-men birlesip 52 aýyl áıelin qarjylandyrýǵa kómektesti. 280 mln teńgege jýyq somasyna 52 joba, 55 jumys orny quryldy. Salalar boıynsha aýyl sharýashylyǵyna 161 mln teńge, 30 jumys oryndary, ózge de qyzmet túrleri naýbaıhana, tigin sehy, sulýlyq salony jáne t.b. 119 mln teńge, 25 jumys orny ashyldy.
Mańǵystaýdaǵy Isker áıelder keńesi qaıyrymdylyq sharalaryna turaqty at salysyp keledi. Ekinshidúnıejúzilik soǵysqa qatysqan áıel ardagerlerin quttyqtaý, soǵys ardageri Olga Zarıvnıakke tigin mashınasyn satyp alyp berýge muryndyq boldy jáne Shetpe kentinde 4 otbasyna arnalǵan «ASAR-úı salý» aksııasyna qatysyp, baspanasyzdardyń jeke úıli bolýyna kómektesti.
Aqtaý qalasyndaǵy qarttar úıiniń jalǵyz kólik quralyna qosalqy bólshekter satyp alyp berip, «Mektepke jol» aksııasyna qatysyp, áleýmettik jaǵdaıy tómen otbasynyń balalaryna qoldaý jasaldy. Az qamtylǵan otbasylardyń balalaryna jańa jyldyq syılyqtar taratýǵa oblystaǵy barlyq Isker áıelder keńesi músheleri at salysty.
