Qoǵam • 05 Naýryz, 2020

Jastardyń shyǵarmashylyǵyn damytatyn joba júzege asty

73 retkórsetildi

Qazaq ulttyq qyzdar pedagogıkalyq ýnıversıtetiniń stýdentteri «WikiGap Kazakhstan» jobasyna qatysyp, jetistikke jetken 100 qazaqstandyq áıeldi Wikipedia-ǵa ornalastyrdy. Bul týraly oqý ornynyń baspasóz qyzmeti habarlaıdy.

Onlaın ensıklopedııadaǵy genderlik alshaqtyqty joıýǵa baǵyttalǵan ıgilikti is Nıderlandy Koroldiginiń Qazaqstandaǵy Elshiliginiń qoldaýymen Qyzdar ýnıversıteti janyndaǵy Áleýmettik jáne genderlik ǵylymı-zertteýler ınstıtýtynda júzege asty.

Sharanyń basty maqsaty – esimi kópshilik úshin beımálim dese de óz salasy boıynsha tabysqa jetken názikjandylardy keńinen nasıhattaý, ınternet keńistikte olar týraly aqparattyń qoljetimdiligin arttyrý. 

«WikiGap Kazakhstan» jobasy segiz baǵytty qamtıdy. Atap aıtqanda, bilim, ǵylym, óner, saıasat, bıznes, medıa, úkimettik emes sektor men sport salasyndaǵy tanymal názikjandylar týraly aqparat Wikipedia ǵalamtor ensıklopedııasyna qazaq, orys jáne aǵylshyn tilderinde ornalastyryldy. Uıymdastyrýshylardyń aıtýynsha, atalǵan sharaǵa ýnıversıtettiń 50-ge jýyq stýdenti tartylǵan.

Áleýmettik jobanyń qorytyndy jıyny Almaty qalasyndaǵy SmartPoint ortalyǵynda uıymdastyryldy. Oǵan Nıderlandy Koroldiginiń Qazaqstandaǵy Tótenshe jáne ókiletti Elshisi Andre Karstens, Qazaq ulttyq qyzdar pedagogıkalyq ýnıversıtetiniń rektory Gaýhar Aldambergenova, joba avtorlary men stýdentter qatysty.

– Qazaqstannyń maqsaty – álemdik úrdisten qalyp qoımaý. Osy oraıda mamandar men sala qyzmetkerleri jastardy túrli daǵdylarǵa baýlýy qajet. Ásirese, IT salaǵa jete mán bergen abzal. Elimizde bilim alýǵa umtylatyn, qabileti men qarymy joǵary jastar jetkilikti ekendigin erekshe atap ótkim keledi. Qazaq ulttyq qyzdar pedagogıkalyq ýnıversıteti bolashaq mamandardyń shyǵarmashylyq áleýetin kóterý, olardy jańa ǵylymı isterge baýlý arqyly talantyn ushtaý maqsatynda kóptegen irgeli isterdi qolǵa alyp, júrgizip keledi. Sonyń biri – bilim alýshylardyń «WikiGap Kazakhstan» jobasyna qatysýy. Búginde barshamyz básekege qabiletti urpaq tárbıeleý isine aıryqsha mán berip otyrmyz. Jalpy, elimizdegi bastamalardyń barlyǵy jas býynnyń jarqyn bolashaǵy úshin qolǵa alynýda. Jastarymyzdyń jan-jaqty damýyna jaǵdaı jasaý, olardyń óz salasy boıynsha jetistikke jetýine qoldaý kórsetý – bizdiń basty mindetimizdiń biri, – dedi jıynda sóz alǵan Gaýhar Aldambergenova.

Sonymen qatar basqosý barysynda Nıderlandy Koroldiginiń Qazaqstandaǵy Tótenshe jáne ókiletti Elshisi Andre Karstens, «WikiGap Kazakhstan» jobasynyń menedjeri Áselhan Ahmetova, Áleýmettik jáne genderlik ǵylymı-zertteýler ınstıtýtynyń qyzmetkeri Maqpal Dabyltaeva is-shara týraly óz pikirlerimen bólisti.

– WikiGap jobasy túrli saladaǵy áıelder, sarapshylar men róldik modelder týraly kóptegen aqparattardy Wikipedia-ǵa qosý úshin ártúrli elderden jınalatyn adamdardyń ortaq eńbegi. Ǵalamtorda áıelderdiń alatyn ornyn jaqsartý úshin álemniń 60-qa jýyq elinde jyl saıyn osyndaı shara uıymdastyrylady. Biz teń quqyly ǵalamtor jasap, teń quqyly álem qurǵymyz keledi. Sebebi genderlik teńdik Nıderlandy men Qazaqstan saıasatynyń mańyzdy basymdyqtarynyń biri bolyp tabylady, – dedi Andre Karstens.

Jobaǵa qatysqan stýdentter Wikipedia jelisine maqalany ornalastyrý úshin IT mamandardyń arnaıy trenıngterinen ótip, aqyl-keńesterin aldy. Bul bastamanyń jastar úshin paıdasy aıtarlyqtaı kóp. Olar ınternet keńistikte bilimin arttyryp, kásibıligin tereńdetýge múmkindik alady.

– Qyzdar ýnıversıtetinde bilim alatyn stýdentterdiń basym bóligi aýyldan kelgen qarakózder. Olar oqýlaryn bitirgennen keıin ózderiniń óńirlerine qaıtady jáne de tek qana muǵalim retinde eńbek etpeı, sonymen qatar kóptegen zamanaýı jańashyldyqtardyń bastamashysy bolady, – deıdi oqý ornynyń Strategııalyq damý jáne halyqaralyq yntymaqtastyq jónindegi prorektory Lázzat Bólebaeva.

Aıta keteıik, WikiGap jobasy WikiMediaSweden jáne Shvesııanyń Syrtqy ister mınıstrligi bastamasymen jasalǵan ǵalamdyq kampanııanyń bir bóligi bolyp sanalady.

– Wikipedia – paıdalanýshylarmen jasalǵan álemdegi eń iri onlaın-ensıklopedııa. Atalǵan onlaın kitaphanada er adamdar týraly maqalalar áıelder jaıyndaǵy aqparattan tórt ese kóp. Biz bul kórsetkishke ózgeris engizýdi qalaımyz, – dep atap ótti basqosýda «WikiGap Kazakhstan» jobasynyń menedjeri Áselhan Ahmetova

Búginde atalǵan shara álemniń 60-tan astam memleketinde júzege asyp keledi. Qazirgi kúnge deıin jobaǵa qatysýshy 2500 adam Wikipedia-ǵa 30-dan astam tilde 36 myńǵa jýyq maqala engizipti. Olardyń basym bóligi jastardyń qatysýymen júzege asyrylǵan.

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar