2020 jyldyń qańtar-aqpan aılarynda Ulttyq qorǵa túsken túsim 363,2 mlrd teńgeni qurady, bul ótken jyldyń sáıkes merzimimen salystyrǵanda 37,8%-ǵa nemese 220,7 mlrd teńgege tómen. Onyń ishinde salyqtyq túsimder 358,0 mlrd teńgeni qurap, 2019 jyldyń qańtar-aqpanymen salystyrǵanda 37,1%-ǵa tómendedi. Túsimderdiń aǵymdaǵy serpini saqtalǵan jaǵdaıda, 2020 jyly qordyń paıdasyna jıyntyq salyq tólemderi 2 147,8 mlrd teńgeni quraýy múmkin. Esterińizge sala keteıik, 2019 jyly Ulttyq qorǵa túsken jıyntyq salyq kólemi 2 837,2 mlrd teńgeni qurady.
1- keste. Ulttyq qorǵa túsetin túsimder, mlrd teńge:
Derekkóz: QRQM
Sonymen qatar salyq tólemderiniń barlyq túrleri azaıǵany baıqalady. Aǵymdaǵy jyldyń eki aıynda KTS boıynsha túsimder kólemi 121,9 mlrd teńgeni qurady, bul ótken jyldyń sáıkes kezeńimen salystyrǵanda 100,9 mlrd teńgege nemese 45,3%-ǵa tómen. Munaı sektory uıymdarynyń ónimderin bólý boıynsha túsimder 43,7%-ǵa nemese 92,4 mlrd teńgege, 119,0 mlrd teńgege deıin azaıdy. Aǵymdaǵy jyly PQО́S 16,7%-ǵa tómen, al rentalyq salyqtan túsken túsimder 10,4%-ǵa kem. Bul rette esepti kezeńde munaı eksportynyń aıtarlyqtaı tómendeýi baıqalǵan joq. Osylaısha, 2020 jyldyń qańtar-aqpan aılarynda Novorossıısk portynda "Kaspıı qubyr konsorsıýmy" (KQK) teńiz termınaly arqyly munaı tıeý kólemi 10,48 mln tonnany qurady, bul 2019 jyldyń sáıkes kezeńiniń kórsetkishinen 0,2%-ǵa tómen (10,50 mln tonna). Aıta ketý kerek, KQK qubyr júıesine qazaqstandyq munaı eksportynyń 75% - dan astamy keledi.
Aılar boıynsha túsimderdi bólý kezinde, aǵymdaǵy jyldyń qańtarynda Ulttyq qorǵa túsetin salyq túsimderi 2019 jyldyń qańtarymen salystyrǵanda 53,3%-ǵa azaıyp, 51,0 mlrd teńgeni qurady , al aqpan aıynda túsimder 33,3%-ǵa 307,0 mlrd teńgege deıin azaıdy .
2- Dıagramma. Ulttyq qorǵa aılar boıynsha túsimder, mlrd teńge:
Derekkóz: Qazaqstan Respýblıkasynyń QM
2020 jyldyń eki aıynda 838,1 mlrd teńge qor qarajaty paıdalanyldy. Onyń ishinde, 838,0 mlrd teńge respýblıkalyq bıýdjetke kepildendirilgen transfert túrinde aýdaryldy, al 140,5 mln teńge qor shyǵyndaryn jabýǵa baǵyttaldy. Osylaısha, Ulttyq qordyń aktıvteri 2020 jyldyń qańtar-aqpan aılarynda 474,9 mlrd teńgege, 26 565,6 mlrd teńgege deıin tómendedi. Aıta keteıik, "Qazaqstan Respýblıkasynyń Ulttyq qorynan 2020 – 2022 jyldarǵa arnalǵan kepildendirilgen transfert týraly" Zańymen Ulttyq qordan 2020 jáne 2021 jyldary 2,7 trln teńge mólsherinde bıýdjetke kepildendirilgen transfert qarastyrylǵan, keıin 2022 jyly 2,6 trln teńgege deıin tómendeıdi.
ALMATY
