Aımaqtar • 06 Naýryz, 2020

Áskerıler radıasııalyq, hımııalyq jáne bıologııalyq qorǵanys suraqtaryn pysyqtady

40 retkórsetildi

Mańǵystaý oblysyndaǵy «Oımasha» polıgonynda radıasııalyq, hımııalyq jáne bıologııalyq qorǵaý áskerleri bólimsheleriniń dalalyq shyǵýy aıaqtaldy. Bul týraly «batys» óńirilk qolbasshylyǵy baspasóz qyzmetinen kapıtan R.Igısınov habarlady.

«Batys» óńirlik qolbasshylyǵynyń quramalary men áskerı bólimderiniń radıasııalyq, hımııalyq jáne bıologııalyq qorǵaý mamandary RHB barlaý, qarý-jaraq pen áskerı tehnıkany arnaıy óńdeý, aerozoldi búrkemeleý mindetterin oryndaý boıynsha tájirıbelik daǵdylardy jetildirdi.

-Dalalyq shyǵýdyń negizgi maqsaty jeke quramnyń radıasııalyq, hımııalyq jáne bıologııalyq qorǵaý bólimshelerdi úzdiksiz basqarý boıynsha mindetterdi uıymdastyrý men oryndaýda daǵdylaryn, iskerlikterin jetildirý bolyp tabylady. Zaqymadanǵan jer ýchaskesi anyqtalǵan jaǵdaıda jeke quram ony zararsyzdandyrý, sondaı-aq jeke quramdy, qarý-jaraq pen áskerı tehnıkany arnaıy óńdeý boıynsha is-sharalardy júzege asyrdy, dep atap ótti «Batys» óńirlik qolbasshylyǵynyń radıasııalyq, hımııalyq jáne bıologııalyq qorǵaý áskerleriniń bastyǵy maıor Almas Nesipqalıev.

Sonymen qatar ARS-14 avtoquıý stansııasyn óristetý boıynsha normatıvter pysyqtalyp, MK-AT dozımetr-radıometrleri jáne AP4C jaýyngerlik ýlandyrǵysh zattar men ýly zattardy anyqtaý detektory qoldanyldy. Sabaq barysynda áskerı qyzmetshiler qorǵanys kıimderin paıdalandy.

Radıasııalyq, hımııalyq jáne bıologııalyq qorǵanys áskerlerdi jaýyngerlik (jedel) qamtamasyz etý túrleriniń biri bolyp tabylady. Ol áskerlerdiń shyǵyndaryn barynsha azaıtýǵa baǵyttalǵan radıoaktıvti, hımııalyq jáne bıologııalyq juqtyrý jaǵdaıynda qoıylǵan mindetterdi oryndaýdy qamtamasyz etýge, sondaı-aq olardy joǵary dáldiktegi jáne basqa da qarý túrlerinen qorǵaýdy arttyrýǵa baǵyttalǵan uıymdastyrý jáne tájirıbelik is- sharalar keshenin qamtıdy.

 

 

Mańǵystaý oblysy

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar