Aımaqtar • 07 Naýryz, 2020

Qostanaı oblysy: Shaǵyn shaharlar shýaqty mekenge aınalýy tıis

154 retkórsetildi

Bıyl Qostanaı oblysyndaǵy áleýmettik mańyzdy jobalardy júzege asyrý úshin ERGkompanııasy 3 mlrd 117 mln teńge bólmek. О́zara áriptestik týraly memorandýmǵa ERG-diń Bas atqarýshy dırektorynyń birinshi orynbasary Aldııar Qaztaev pen Qostanaı oblysynyń ákimi Arhımed Muhambetov qol qoıdy.

Mańyzdy memorandým bıyl Rýdnyı qalasynda eki birdeı jyly aıaldamanyń salynýyna muryndyq bolady. Sonymen qatar, ortalyq saıabaqta eresekterden góri balalarǵa etene tanys «Djýmandjı» atty arqan atraksıony ornatylmaq. Al Arqalyq qalasynda Jeńis dańqy eskertkishi jańartylyp, bir mektep kúrdeli jóndeýden ótedi. Sondaı-aq otbasy saıabaǵy paıda bolady. Rýdnyı men Lısakov qalalarynyń ortalyq kóshelerine kólik jyldamdyǵyn anyqtaıtyn elektrondy tablo ornatylady. Oblystyq mańyzǵa ıe kólik joldary ońdalyp, Qashar kentine jedel járdem kóligi satylyp alynady.

Memorandým Úkimet maquldaǵan aımaqtardy damytýdyń úsh jyldyq baǵdarlamasy aıasynda jasalyp otyr. Qarajattyń basym bóligi Rýdnyı qalasy men Qashar kentiniń jylý jelilerin kúrdeli jóndeýge jumsalady. Ári osy óńirlerdiń tutynýshylaryn arzan elektr qýatymen qamtamasyz etýge baǵyttalmaq.  

– Elbasy Nursultan Ábishuly Nazarbaev aımaqtardy damytýdy qazirgi tańdaǵy eń negizgi mindetterdiń biri dep atap aıtty. Osy oraıda men ákimdiktermen arada jasalǵan memorandýmdardyń árqsaısysy – atalǵan tapsyrmany oryndaý men turaqty qoǵam qalyptastyrý qamy dep batyl aıta alamyn. Biz ózimiz jumsaǵan árbir teńgenińturǵyndar ıgiligine asýyna  múddelimiz, - dedi Eurasian Resources Group Dırektorlar keńesiniń tóraǵasy Aleksandr Mashkevıch.  

 

Qostanaı

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar