Onda negizinen bos bótelkeler men qaqpaqtardy paıdalanady eken. Qazaqtyń oıý-órnegimen naqyshtalǵan kilemdi jasaý úshin mektep jasyna deıingi balalar men tárbıeshiler 7 myńnan astam plastıkalyq qaqpaqty qoldanǵan. Jasalý tehnologııasy da kúrdeli emes, delingen Almaty qalasy «Rýhanı jańǵyrý»jobalyq keńsesi usynǵan aqparatta. Aldymen ustazdar arnaıy materıalǵa eskızdi beıneleıdi, sodan keıin oǵan balalar qaqpaqtardy jabystyrady. Barlyq jumys orta eseppen eki aptaǵa sozylǵan.
Erekshe kilem massajdyń rólin oryndaıdy. Balalar túski uıqydan oıanǵan soń, jalań aıaq júredi, bul maı taban boldyrmaıdy jáne júıke júıesine jaqsy áser etedi deıdi ustazdar. Kilemnen bólek, jas sheberler oıynshyqtar, fıgýralar, saǵattar men úıdiń modelderin de jasaıdy. Sondaı-aq, balabaqshada qaqpaqtar qalashyǵy bólmesi de bar. Onda tárbıelenýshiler qaqpaqtardy tústerge sáıkes jınaý qajet. Bul saýsaqtardyń motorıkasyn damytýǵa, sonymen qatar kún saıyn jańa nárseni úırenýge múmkindik beredi. О́tken jyly mektepke deıingi mekemede 50 myńnan astam qaqpaq jınalǵan. Ata-analardyń aıtýynsha, mundaı jańashyldyq balalaryna qatty unaıdy eken. Tipti, búldirshinder úıde júrgende de kereksiz qalǵan zattardan birnárse qurastyryp shyǵarýdy oılaıdy deıdi. Odan ózge balabaqsha tárbıeshileri ádettegi aǵash ústelder men oryndyqtardy satyp alýdan bas tartýdy josparlap otyr. Endi olar plastık buıymdardy qaıta óńdeýdi jalǵastyryp, odan balalar jıhazdaryn jasaýdy qolǵa almaq.
