Medısına • 08 Naýryz, 2020

Almaty ákiminiń orynbasary karantınde jatqandardyń jaǵdaıymen tanysty

33 retkórsetildi

Almaty qalasy ákiminiń orynbasary Erjan Babaqumarov koronavırýstyq ınfeksııanyń taralýynyń aldyn alý jónindegi óńirlik shtabtyń otyrysyn ótkizdi. 

Jıynda shtab tóraǵasy Erjan Babaqumarov koronavırýstyq ınfeksııa jaǵdaılary tirkelgen elderden kelgen adamdardyń ornalasqan karantındik aımaqtarynda boldy. Karantındegi aýrýhanalarǵa, provızorlyq keshenderge bardy. 

№2 kópsalaly medısına ortalyǵyndaǵy jaǵdaımen tanysqan Erjan Babaqumarov karantındegi jandarmen de áńgimelesti. Klınıkadaǵy ahýal, tamaqtaný rasıony syndy máseleler talqylanyp, sapaly medısınalyq qyzmet kórsetýdi qamtamasyz etý máseleleri jónindegi medısınalyq qyzmetkerlermen kezdesý ótkizildi.

О́z kezeginde karantındegi adamdar karantın boıynsha pikirlerimen bólisip, jergilikti bılik, dárigerler men medısına qyzmetkerleri tarapynan kórsetiletin sharalar úshin alǵystaryn bildirdi. 

Aıta ketý kerek, №2 kópsalaly medısınalyq ortalyǵynyń bazasynda kelgenderdi ornalastyrý úshin 4 bólimshe uıymdastyrylǵan. Barlyq azamattar qajetti medısınalyq jabdyqtarmen qamtamasyz etilgen daıyn palatalarǵa ornalastyryldy. Azamattar úshin barlyq jaǵdaı jasalǵan. 

Karantındegiler táýlik boıy medısınalyq qyzmetkerlerdiń qadaǵalaýynda bolady. Sondaı-aq olar úsh saǵattyq termometrııadan da ótýde. Barlyǵynyń muryn jutqynshaǵynan jaǵyndylar men koronavırýsqa qan alynyp, Ǵylymı saraptamalyq ortalyqqa jiberildi.

Jergilikti organdar karantınge jabylǵan azamattardyń tilekterin eskerip, olarǵa qajet barlyq sharalardy, onyń ishinde jeke gıgıenalyq zattarmen qamtamasyz etilýine múmkindik berýde. Sondaı-aq qosymsha kalorııaly tamaqpen birge kókónister, jemis jeýge jaǵdaı jasalǵan. Stasıonarǵa karantınge jatqyzylǵan azamattarǵa týǵan-týystarynan keletin qajetti zattardy berý úshin arnaıy pýnkt te uıymdastyryldy.

Esterińizge sala keteıik, atalǵan sanattaǵy tulǵalar (onyń ishinde Ońtústik Koreıadan kelgender) bas memlekettik sanıtarlyq dárigerdiń qaýlysyna sáıkes 14 kúnge mindetti túrde úzdiksiz karantınge alyndy. Karantın kezinde stasıonardan ketýge ruqsat etilmeıdi. Karantın aıaqtalysymen stasıonardan shyqqan azamattar tirkelgen jeri boıynsha 10 kún boıy telefon arqyly medqyzmetkerlerdiń baqylaýynda bolady.

Buǵan deıin, 6 naýryzda, óńirlik shtabtyń tóraǵasy, Almaty qalasy ákiminiń orynbasary Erjan Babaqumarov jurtshylyqpen kezdesip, elimizdegi eń iri bir megapolısiniń aýmaǵyna koronavırýsty ınfeksııanyń taralyp ketpeý máseleleri talqylandy. Onyń ústine qoǵamdyq uıymnyń ókili Ońtústik Koreıadan (6 naýryz) ushyp kelgen reıstiń jolaýshylaryn kútip alý kezinde júzege asyrylǵan saqtyq sharalarynyń barysyn tekserdi.

Anyqtama:  5-6 naýryzda Koreıadan 2 reıspen Qazaqstannyń 459 azamaty ushyp keldi. Barlyq kelýshiler 14 kúnge aldyn ala daıyndalǵan medısınalyq uıymdarǵa karantınge ornalastyryldy.

Almatyda koronavırýstyq ınfeksııa jaǵdaılary tirkelgen joq. Jaǵdaı bıliktiń baqylaýynda.

 

ALMATY

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar