Rýhanııat • 09 Naýryz, 2020

Qadyr Myrza Áliniń anasy – Maǵyrash ana

328 retkórsetildi

Qazaq poezııasyndaǵy ana jaıly eń úzdik jyrlardy, sol jyrlarǵa keıipker bolǵan analar taǵdyryn qabyl alyńyzdar.

Qadyr Myrza Áliniń anasy – Maǵyrash ananyń qulpytasyndaǵy osy jazý júrekti osyp túsetini ras. Jan dúnıeń alaı-dúleı kúı keshedi. Kóz aldyńa anańnyń, analardyń taǵdyry keledi. Qadyr aǵanyń úıindegi Saltanat apaıymyz (jazýshy Júsipbek Qorǵasbek jazyp alǵan) osy óleńniń árbir jolyn ashyp kórsetip, ár jolynan – Maǵyrash ana taǵdyryn taraý-taraý etip alyp shyǵady. Ár taraýy romanǵa júk. Baqýatty áýleti kámpeskeleýge ushyraýy, eki balasymen otyzdyń ústine endi shyqqan jasynda jesir qalýy, aýyl qazaǵynyń jalǵyzy júrgen qalaǵa sińise almaýy, bári-bári osy bes jol óleńniń óne boıynda tur. Aǵamyzdyń aýyldastarynyń aıtýyna qaraǵanda, árbir jyly, ulynyń týǵan kúninde Maǵyrash ana qasyq qoıar oryn joq mol dastarqan jaıyp, aǵaıyndy shaqyryp, atap ótetin bolǵan eken. Ádil, tik minezdi, tekti áýletten shyqqan ana qazaqqa Qadyrdy berdi, qazaqtyń Qadyryn.

Bári de, Ana,

Bir ózińnen bastaldy,

Sen dep jazdym alǵash óleń, dastandy.

Qýandym ba,

О́ziń bar dep qýandym.

Jyladym ba,

О́ziń joq dep jas tamdy.

Bári de, Ana,

Bir ózińnen bastaldy,

Janaryńnan kórdim alǵash aspandy.

Erkelesem, bir ózińe erkelep,

Jasqandym ba,

Tek ózińnen jasqandym.

Alǵashqy dám, ol da sendik sút edi,

Aq sút bergen qashanda úmit kútedi,

Otanymnyń ózi senen bastalyp,

Jaýlaryma jetken jerden bitedi!.

Ras, aqynnyń ózi jyrlaǵandaı bári de anadan bas­taý alady, alǵash tilimiz de ana dep shyǵady, qýansaq ta, qoryqsaq ta ananyń atyn ataımyz. Bir támsil bar edi, Qudaı Taǵala adam balasyna jan bergende, ol jer betine kelgisi kelmeı alasurady eken, qorqady eken, sonda «sen qoryqpa, bir perishte árdaıym janyńda bolady» deıdi eken. Sol perishte – Ana eken.

 

Erlan JÚNIS,

Mıras ASAN,

Marjan ÁBISh.

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar