Jospar boıynsha jańa sý qubyrynyń qurylysy aldaǵy maýsym aıynda aıaqtalyp, tolyǵymen iske qosylýy tıis. Oblys ákimi О́mirzaq Shókeev qurylys jumystaryn baqylap, jaýapty mamandarǵa naqty tapsyrmalar júktedi. Túrkistan qalasynda júzege asyp jatqan birqatar áleýmettik mańyzy bar jobalardyń jumysyn qadaǵalaǵan oblys ákimi «Arys-Túrkistan» arnasynan bastaý alatyn ırrıgasııalaq sý arnasynyń qurylys basynda boldy. Kanal sýynan shahardaǵy saıabaqtar men gúlzarlar, jol boıyn jaıqaltqan jasyl jelek pen egistik alqaptar sýarylady. Uzyndyǵy 3,6 shaqyrymǵa sozylǵan sý arnasy tolyǵymen betondalǵan. Aınalasyna aıaqjoldar men velojol tóselýde. Jaǵalaýyn jaryqtandyryp, oryndyqtar ornatý jumystary jalǵaspaq. Al jańa «Túrkistan» ındýstrıaldy aımaǵynda ornalasqan ákimshilik-turmystyq kesheniniń ishki jáne syrtqy qurylys jumystarynyń 90 paıyzy oryndalǵan. Oblys ákiminiń baspasóz qyzmeti habarlaǵandaı, keshendi abattandyrý men árleý jumystary bir aı kóleminde aıaqtalady. Ákimshilik-turmystyq keshenniń birinshi qabatynda kórme ortalyǵy ashylady. Odan bólek, májilis zaly men «bir tereze» qaǵıdasymen jumys isteıtin ortalyq ornalasady. Aýlasynda salynǵan fýtbol alańy men tennıs korty da jaqyn arada paıdalýǵa berilmek. Erekshe dızaınde salynǵan jańa ortalyqta keńse, óndiristik alańymen qatar kásiporyndar ózderiniń qural-jabdyqtarymen kelip jumys oryndaryna jaıǵasýyna múmkindik jasalǵan daıyn jaılardyń qurylysy júrgizilýde. Álemdik tájirıbege saı jumys jaılary kásipkerlerge jeńildetilgen jaldaý aqysymen beriledi. Mundaı daıyn jaılardyń alǵashqysynnaýryz aıynyń sońynda ashý josparlanǵan. Ekinshi óndiristik ǵımarat sáýir aıynyń sońynda paıdalanýǵa berilmek.
