Altaı Kólginovtiń aıtýynsha, byltyr elordada 2500 úlesker qarjy quıyp, daýly máselege aınalǵan 10 úıdiń qurylysy aıaqtalǵan. Bıyl 20 úıdi paıdalanýǵa berip, 7 myńǵa jýyq úleskerdiń problemasyn sheshý josparlanyp otyr.
Prezıdent úleskerlerge qatysty máseleni erekshe baqylaýda ustaý, sondaı-aq, turǵyn úı alaptaryn damytý jáne abattandyrý, tıisti ınfraqurylymmen qamtamasyz etý qajettigin aıtty.
Memleket basshysy qala turǵyndaryn alańdatqan áleýmettik problemalardy sheshý, qoljetimdi baspana qurylysynyń kólemin ulǵaıtý, kezekte turǵan áleýmettik jaǵdaıy tómen otbasylarǵa beriletin páterlerdiń sanyn kóbeıtý, sonymen qatar, ınvestısııa tartý, shaǵyn jáne orta bızneske qoldaý kórsetý jaıynda naqty sharalar qabyldaýdy tapsyrdy.
