«Syrtqy faktorlarǵa baılanysty qalyptasyp otyrǵan ekonomıkalyq jaǵdaıda memlekettik bıýdjettiń teńgerimdiligin jáne turaqty damýyn qamtamasyz etý úshin tıisti sharalar qoldanylady. Birinshi kezekte respýblıkalyq bıýdjettiń shyǵystary ońtaılandyrylatyn bolady», - dedi Álıhan Smaıylov.
Mınıstrdiń aıtýynsha birinshiden, bıýdjet qarajatynyń esebinen qymbat jıhazdar men avtokólikter satyp alý, semınarlar, forýmdardy ótkizý jáne basqa da ımıdjdik sharalar ońtaılandyrylmaq.
«Osy baǵyttar boıynsha aldyn ala jumystar júrgizildi. Memlekettik organdar men óńirlerdiń, kvazımemlekettik sýbektilerdiń tıisti qadamdyq áreketteriniń Jol kartasy bekitildi. Ekinshiden, keıingi merzimge qaldyrýǵa bolatyn aǵymdaǵy jaǵdaıdaǵy basymdy emes shyǵystar, jobalar men sharalar jáne de jańa jobalar, olardyń ishindegi keıinge qaldyrý shartymen bıýdjette qarastyrylǵan jobalar. Sonymen qatar barlyq áleýmettik mindetterdiń tolyq oryndalýy qamtamasyz etiledi. Budan basqa, ınflıasııanyń korıdorynyń qaıta qarastyrylýyn eskere otyryp – pensııa, járdemaqy jáne ataýly áleýmettik kómekterdi ındeksasııalaý úshin sharalar qabyldanady», - dedi ol.
