Budan bylaı azamattar óz úılerinen eshqaıda shyqpaýy tıis, buqaralyq is-sharalar ótkizýge tyıym salynady, al oqý oryndary túgeldeı jabyldy.
«Eń durys sheshim - úıde otyrý. Italııanyń bolashaǵy - bizdiń qolymyzda. Biz buǵan deıin tek Lombardııa men keıbir provınsııalarda qabyldanǵan saqtyq sharalaryn endi eldiń búkil aýmaǵyna qoldaný týraly sheshimge keldik», - dep atap ótti Italııa premer-mınıstri Djýzeppe Konte.
Búginde eldegi murajaılar, kitaphanalar, basseınder men barlar túgeldeı jabyq. Jańa shekteýler 10 naýryzda kúshine enedi jáne 3 sáýirge deıin jalǵasady.
Aıta ketsek, tek sońǵy táýlikte Italııada koronavırýstan 97 adam qaıtys boldy. Atalmysh vırýstan kóz jumǵandardyń jalpy sany 463 adamǵa jetip otyr. Al aýrý juqtyrǵandar sany 9 myńnan asyp ketti. Búginde qaýipti indettiń tarlaýy jaǵynan bul el álemde Qytaıdan keıin ekinshi orynda tur. О́lim deńgeıi boıynsha, shamamen 5%, birinshi orynǵa shyǵyp otyr.
