Qoǵam • 10 Naýryz, 2020

Nur-Sultan: Kepildendirilgen áleýmettik paketter berile bastaıdy

44 retkórsetildi

Nur-Sultanda 10 naýryzdan bastap AÁK alatyn otbasylardyń 1 men 6 jas aralyǵyndaǵy balalaryna azyq-túlik pen turmystyq hımııa taýarlary berile bastaıdy. Bul týraly Nur-Sultan qalasy ákimdiginiń baspasóz qyzmeti habarlady.

Kepildendirilgen áleýmettik paketter elordanyń 4 aýdanyndaǵy "Magným" JShS saýda jelisiniń 5 sýpermarketinde belgilengen keste boıynsha beriledi. Jalpy, memlekettik áleýmettik kómek 4,4 myńnan asa balany qamtıdy. Olardyń ata-analary osy jyldyń qańtar-aqpan aılarynda AÁK alý jóninde ótinish bergen bolatyn. Aıta ketsek, 1 men 6 jas aralyǵyndaǵy balalarǵa arnalǵan áleýmettik kómekke azyq-túlik pen turmystyq hımııa taýarlary kiredi.

Bul jıyntyq az qamtylǵan otbasylaryndaǵy ár balaǵa toqsanyna bir ret beriledi. Qazirgi ýaqytta dúrlikpe men kezekterdiń aldyn alý maqsatynda elordalyq jumyspen qamtý jáne áleýmettik qorǵaý Basqarmasy kepildendirilgen áleýmettik paketter alýshylardyń tizimin jasady. Áleýmettik paketter aı saıyn keste boıynsha beriledi. Árbir berý pýnktinde jaýapty tulǵalar bekitilgen. Áleýmettik paketti alýshylar óz JSN-di http://www.magnum.kz/garantirovannaya-socialnaya-pomoshh saıtyna engizip, tizimde bar-joǵyn teksere alady.  Olardyń aty-jóni kún saıyn alfavıttik tártippen jarııalanatynyn eske salamyz. 

Kestede azamattardyń kepildendirilgen áleýmettik paketterdi qashan jáne qaıdan alýǵa bolatyny jáne azamattardyń sýpermarketiń qaı fılıalyna bekitilgeni kórsetilgen. Kómek alýshy tizimnen ózin tapqannan keıin ózi bekitilgen Magnum fılıalyna barýy qajet.

Kepildendirilgen áleýmettik paketter beriletin "Magným" saýda jelisi sýpermarketteriniń meken-jaılary: Almaty aýdany, Edil kóshesi, 26, Jansúgirov kóshesi, 8/1 "B" lıteri; Baıqońyr aýdany, Sh. Ýálıhanov kóshesi, 20; Esil aýdany, Turan dańǵyly, 55 "D"; Saryarqa aýdany, Alash tas joly, 23/1. Esterińizge salsaq, óziniń Joldaýynda Memleket basshysy muqtaj jandardy áleýmettik kómekpen qamtamasyz etýde eńbekke yntalandyrý, ádil ári taza bolýy úshin AÁK-ti taǵaıyndaýdyń mehanızmin retteýdi tapsyrǵan bolatyn. Áleýmettik jaǵynan az qamtylǵan otbasylarynyń balalaryna kepildendirilgen áleýmettik paket pen AÁK jáne turmysy tómen otbasylarǵa arnalǵan jańa járdemaqyny qosqandaǵy keshendi jańa sharalar 2020 jyldyń 1 qańtarynan bastap júzege asyrylýda.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar