Aımaqtar • 10 Naýryz, 2020

Qazaqstan qalalarynda bakterııaǵa qarsy terapııanyń erekshelikteri jaıly dárister ótti

31 retkórsetildi

Qazaqstannyń on shaqty qalasynda bakterııaǵa qarsy terapııanyń erekshelikteri jaıly dárister ótti. Elimizdegi SANTO kompanııasy Qazaqstannyń birqatar qalalarynda Reseı Hımıoterapevter, mıkrobıologtar jáne klınıkalyq farmakologtar alıansynyń basqarma múshesi, m.ǵ.k. Igor Gýsevtyń qatysýymen dáristerdi uıymdastyrdy.

Dáriger ǵalym tómengi tynys alý joldaryndaǵy ınfeksııalarmen ilespeli aýrýlarǵa shaldyqqan jáne egde jastaǵy tulǵalarǵa arnalǵan bakterııaǵa qarsy terapııanyń erekshelikteri, quramdastyrylǵan terapııanyń róli jaıly keńinen aqparat berdi. Aqpan aıynda jáne naýryzdyń basynda ǵalymnyń dáristerin Qostanaı, Nur-Sultan, Kókshetaý, Petropavl, Pavlodar, Semeı, О́skemen, Oral, Aqtóbe, Atyraý jáne Aqtaý qalalarynyń terapevteri, pýlmonologtary, farmasevteri men jalpy praktıka dárigerleri tyńdady.

Qysqy maýsymdaǵy bakterııaǵa qarsy terapııa taqyryby Qazaqstannyń soltústik jáne batys aımaqtaryndaǵy dárigerlerge arnap tańdalǵany kezdeısoq emes, óıtkeni dál osy óńirlerde klımat jaǵdaıyna baılanysty ókpe-tynys joldary júıesiniń aýrýlary jıi kezdesedi. HH ǵasyrdaǵy medısınanyń basty jetistikteriniń biri antıbıotıkterdiń paıda bolýymen baılanysty ekeni belgili: dál osy ýaqytta qaýipti ınfeksııalardyń taralýyna sebep bolǵan bakterııalardy emdeýde medısına jeńiske jetip, osynyń nátıjesinde kóptegen adamdardyń ómir súrý uzaqtyǵy kem degende 20 jylǵa artty.

Mamannyń aıtýynsha, osy aýrýdy der ýaqytynda jáne durys emdemegen jaǵdaıda osy sanatqa jatatyn naýqastarda aýrý qozyp, jıi rette ólimmen aıaqtalyp jatady. Osyǵan oraı dıagnostıka jasaý jáne durys emdeý eń mańyzdy medısısınalyq-áleýmettik máselelerdiń biri bolyp tabylady. Ilespeli aýrýlardyń jıi rette dekompensasııaǵa ushyraýy da dıagnostıka men emdi qıyndatyp, jazylyp ketýge degen úmitti álsiretip jatady.

Igor Anatolevıch ilespeli patologııasy bar aýrýhanadan tys pnevmonııaǵa shaldyqqan naýqastardy ulttyq klınıkalyq protokoldar men halyqaralyq usynymdardy eskere otyryp emdeý máselesine erekshe kóńil bóldi. Sondaı-aq, qatysýshylar respýblıkada áreket etetin normtıvtik-quqyqtyq aktilerdiń negizinde qaýipsiz medısınalyq kómek kórsetýdiń zańgerlik tustaryn da áńgimege arqaý etti.

«Antıbıotıkter strategııalyq dárilik zattar bolǵandyqtan, olardy jónsiz qoldaný bakterııalardyń tózimdiliginiń artýyna alyp kelýi múmkin. Al bul ulttyq qaýipsizdikke tóngen úlken qater. Bizdiń kompanııa bakterııaǵa qarsy durys terapııanyń búkil mańyzdylyǵy men qajettiligin túsine otyryp jáne de antıbıotıkterdi óndiretin Qazaqstandaǵy jetekshi kompanııa retinde turaqty túrde osyndaı konferensııalardy ótkizip turady. Sondaı-aq, Qazaqstan turǵyndary tıimdi ári sapaly emge qol jetkizýi úshin qoldan kelgenniń bárin jasap keledi», – dep atap ótti SANTO kompanııasy dáriqaǵazben bosatylatyn preparattar bólshek saýda bóliminiń dırektory Anna Farlenkova.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar