«El basyna kún týǵan shaqta patrıotızmniń úzdik úlgisin kórsete bilgen asyl jandarǵa alǵysymyzdy jetkizemiz. Búgingi beıbit kúnimiz sol kisilerdiń arqasy. О́zimizdiń ystyq yqylasymyzdy, alǵysymyzdy, qurmetimizdi bildirý úshin Otan soǵysynda erlik kórsetken ardaqty apalarymyzdy quttyqtaýǵa keldik», deıdi 4 kýrs kýrsanty Abylaı Mustabekov.
Atalǵan ortalyqta turatyn Uly Otan soǵysyna qatysqan Valentına Smırnova men Marına Selýeva, bolashaq ofıserlerge soǵys jyldarynda bastan keshkenderin áńgimelep, kórsetken yqylastary úshin rızashylyqtaryn bildirdi.
Soǵys bastalǵan jyly 18 jastaǵy Valentına Smırnova medısınalyq ınstıtýttyń 2 kýrs stýdenti edi. О́zge stýdentter sııaqty ásker qataryna alynyp, soǵysqa attanǵan. Qarshadaı qyz maıdan dalasynda baılanysshy bolǵan. Jeńisti Tynyq muhıtynda, Qıyrshyǵys maıdanynda qarsy alǵan.
«Sum soǵystyń yzǵarynda júrip bárin bastan keshtik: sýyqty da, ashtyqty da, ólimdi de kórdik, sonyń barlyǵy myna tátti ómirdiń bir sáti úshin edi», - dep kóz jasyna erik berdi ardager.
Valentına Smırnova Tynyq muhıty flotynda áskerı qyzmetin ótkerip júrgen jerinen 1946 jyldyń aqpanynda ǵana elge qaıtarylǵan. Teńiz flotyn ofıser mamandarmen jasaqtaýǵa úles qosqan jaýjúrek sarbaz jeńis jarııalanǵannan keıin de 9 aı boıy áskerı mindetin jalǵastyrypty.
Soǵystan keıingi jyldary Valentına Petrovna Máskeý ınjenerlik-qurylys ınstıtýtyna túsken. Al 1958 jyly Qazaqstanǵa kóship kelip, qurylys salasynda eńbek etken. Búginde jasy 98-ge kelgenine qaramastan qarııa ózin jaqsy sezinedi, oıy da, sózi de anyq.
Al, ardager Marııa Selýeva soǵys kezinde tyńshylyq qyzmette bolǵan. Sý-10 joıǵysh ushaǵyn tizgindegen ol Ýkraınany azat etýge qatysyp, 100-den asa márte parashıýtpen sekirip, ózgelerdi de bul iske baýlyǵan.
