Qaıyrymdy is-sharaǵa Shardara aýdany ákiminiń orynbasary Baýyrjan Shompıev qatysyp, baspanaly bolǵan otbasyn quttyqtady. Aldaǵy ýaqytta da qoǵamdy izgilikke, meıirimge jeteleıtin bastamalar jalǵasa bererine senim bildirdi.
Eske sala keteıik, oblys ákimi О́mirzaq Shókeevtiń baqylaýynda turǵan, Nur Otan partııasy oblystyq fılıalynyń úılestirýimen «Qamqorlyq» baǵdarlamasy aıasynda 1643 otbasy arnaıy tizimge alynǵan. Partııa fılıaly, osy salaǵa jaýapty basqarma, aýdan, qala ákimdikteri tarapynan tıisti jumystar atqarylýda.
Qazirdiń ózinde oblys aýmaǵynda 10-ǵa jýyq otbasy baspanaly boldy. Elimizdiń jomart júrekti kásipkerleri ıgi bastamaǵa aıryqsha úles qosýda. Baǵdarlama aıasynda turǵyndarǵa azyq-túlik, qarjylaı jáne ózge de kómekter kórsetilýde.
