«Búginde Qytaı, Ońtústik Koreıa, Iran jáne Italııa sııaqty elderden kelýshilerge Qazaqstanǵa kirýge tyıym salynady. Sebebi bul elder birinshi sanattaǵy «A» tobyna jatady. «V» tobynyń birinshi sanatyndaǵy elderge - Germanııa, Ispanııa, Fransııa. Bul elderge qatysty talap 12 naýryzda 00:00-den bastap kúshine enedi», - dedi Jandarbek Bekshın OKQ-da ótken baspasóz konferensııasynda.
Onyń aıtýynsha, shekara qyzmeti kelýshilerdiń úshinshi elder arqyly ótýin qadaǵalaıtyn bolady. Sonymen qatar Shveısarııadan, Ulybrıtanııadan jáne Nıderlandydan kelgen adamdar turǵylyqty jeri boıynsha oqshaýlanýy kerek.
