Úkimet • 10 Naýryz, 2020

Respýblıkalyq jedel áreket etý shtabynyń alǵashqy otyrysy ótti

67 retkórsetildi

Premer-Mınıstr Asqar Mamınniń tóraǵalyǵymen Memleket basshysy Qasym-Jomart Toqaevtyń tapsyrmasymen qurylǵan respýblıkalyq Jedel áreket etý shtabynyń alǵashqy otyrysy ótti. Bul týraly Premer-Mınıstrdiń baspasóz qyzmeti habarlady.

Bıýdjet shyǵystaryn qysqartý, respýblıkalyq jáne jergilikti bıýdjetterdi ońtaılandyrý sharalary týraly Premer-Mınıstrdiń Birinshi orynbasary – qarjy mınıstri Á. Smaıylov, makroekonomıkalyq, qarjylyq jáne áleýmettik turaqtylyqty qamtamasyz etý týraly ulttyq ekonomıka mınıstri R. Dálenov pen Ulttyq Bank tóraǵasy E. Dosaev baıandady.

Sonymen qatar syrtqy ister mınıstri M. Tileýberdi, saýda jáne ıntegrasııa mınıstri B. Sultanov jáne respýblıkalyq Jedel áreket etý shtabynyń basqa da músheleri aqparatpen bólisti. Otyrysqa qatysýshylar álemdik konıýnktýranyń ózgerýi jaǵdaıyndaǵy energetıkalyq naryqtaǵy jaı-kúıdi, áleýmettik mańyzy bar azyq-túlik ónimderine baǵa belgileýdi baqylaý sharalaryn jáne eldegi áleýmettik-ekonomıkalyq turaqtylyqty qamtamasyz etýdiń basqa da ózekti máselelerin talqylady.

Daǵdarysqa qarsy is-qımyl josparyna engizýge qajetti usynystar jáne halyqty jumyspen qamtýdy qoldaý jónindegi arnaıy jospar qaraldy. Syrtqy ekonomıkalyq syn-tegeýrinderden jáne syrtqy naryqtardaǵy qalyptasqan jaǵdaıdan táýekelderdi nıvelırleý jónindegi sharalar talqylandy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar