Aımaqtar • 10 Naýryz, 2020

Jol apatyna jol bermeý jolyndaǵy kúres

370 ret

kórsetildi

1 mın

oqý úshin

Soltústik Qazaqstanda jol jaǵdaıyn jaqsartý búgingi tańdaǵy basty mindetterdiń biri bolyp otyr. Kólik apattarynyń kóbi naq osy joldyń taıǵaǵynan bolýda. Kúndiz jylymyqta erip, túnde qatatyn qarǵyn sýy erteńgi túske deıin joldy kóktaıǵaq qylady. Sondyqtan joldardy kútý mindetin moınyna alǵan kásiporyndar úıilgen qardy joldardyń boıynan tezirek áketip, qalǵan bóliginiń erigen sýy jolda qalmaı, aǵyp ketýi úshin sýaǵar qubyrlardy únemi arshyp turýlary kerek. Oblystyq Polısııa departamentiniń ákimshilik bólinisteri osy tapsyrmany únemi qadaǵalap, qatań baqylaýyna alǵan. «Joldyń boıyndaǵy qalyń qardyń tazalanbaýy ótý joldaryn da taryltyp, jol kólik apattarynyń týý táýekelin týdyrady», deıdi Soltústik Qazaqstan Polısııa departamentiniń bastyǵy, polkovnık Marat Tólebaev.

Jaqsybaı SAMRAT

Qazir Ákimshilik polısııasy jergilikti atqarýshy organdar men jol paıdalaný qyzmetterin, TJ bólimderin sýaǵar qubyrlar men sýdy toqtatatyn bógetterdiń daıyndyǵyn tekserýge jumyldyrýda. Búginge deıin 582 sýaǵar qubyrlardyń 77 ǵana tazartylǵan. Osy kúnge deıin barlyǵy 207 ret joldyń jaǵdaılary tekserilip, olardan 299 kemshilik tabyldy. Jergilikti atqarý organdary men joldy paıdalaný kásiporyndaryna 220 ret eskertpe berdi. Keıbir jol ýchaskeleriniń qanaǵattanarlyqsyz halde bolǵany úshin 56 hattama toltyrylǵan. Al Petrpavl qalasynyń ishki joldaryn kútýde qoıylǵan talaptardy oryndamaǵan 9 kásiprorynnyń basshylary men atqarýshylaryna aıyppul salyndy. talapty

Qazir jol bólikteri turaqty baqylaýǵa alynyp, eskertpelerdiń oryndalýy yjdahatpen tekserilýde.