Aımaqtar • 11 Naýryz, 2020

«Baqytty otbasy» ortalyqtary volonterlermen birigip áleýmettik kómek kórsetedi

40 retkórsetildi

Almaty qalasy óńirlik kommýnıkasııalar qyzmetiniń alańynda az qamtylǵan, kópbalaly otbasylarǵa áleýmettik qoldaý sharalaryn kórsetý jáne «Baqytty otbasy» ortalyǵy qyzmetiniń jańa baǵyttary týraly baspasóz konferensııasy ótti.

Baspasóz konferensııasyna qalalyq «Baqytty otbasy» ortalyǵynyń basshysy Zýlfııa Baısaqova, Naýryzbaı aýdandyq ortalyǵynyń basshysy Jandaı Sana jáne Túrksib aýdandyq ortalyǵynyń basshysy Bıbiraba Aıymbetova qatysty.

«Bıylǵy jyly aýdan ortalyqtary jańa jumys formatyn bastaıdy. Negizgi maqsaty – ómirlik qıyn jaǵdaılarda júrgen otbasylardy anyqtaý, ómirlik qıyn jaǵdaılarda júrgen otbasylardy anyqtaý, áıelder kásipkerligin, balalarǵa arnalǵan túrli kýrstardyń jumysyn ilgeriletý, jumysqa ornalasýǵa yqpal etý, volonterler lıgasymen yntymaqtastyq. «Baqytty otbasy» — bul kóp balaly analar men az qamtylǵan otbasylarǵa ǵana arnalǵan ortalyq emes. Biz maqsatty topty keńeıtkimiz keledi, sondyqtan biz Nur Otan jastar qanatynyń volonterlerin jumyldyryp, olarmen birge otbasylardy anyqtaý boıynsha keń kólemdi aksııalar ótkizýdi josparlap otyrmyz», — dedi qalalyq «Baqytty otbasy» ortalyǵynyń jetekshisi Zýlfııa Baısaqova.

Sonymen qatar, Naýryzbaı aýdandyq ortalyǵynyń basshysy Jandaı Sana eriktilerdi tartýdyń mańyzdylyǵyn atap ótti. Eske salsaq, 2020 jyl Qazaqstanda eriktiler jyly bolyp jarııalandy.

Bizdiń jumysymyzda volonterlerdiń kómegi óte mańyzdy. Naýryzbaı aýdanynda «Volonterlar lıgasymen» kelisim bar, sondyqtan olar bizdiń jobaǵa óz úlesterin qosady.

«Joǵary oqý oryndarynyń stýdentteri men «Nazarbaev Zııatkerlik mektebiniń» túlekteri bizdiń jumysymyzǵa tartylyp, balalardy oqytýǵa kómektesedi», — dedi Jandaı Sana.                                                               

ALMATY

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar