Qazaqstan • 11 Naýryz, 2020

13 naýryz kúni «Tumar» Ulttyq televızııalyq báıgesiniń jeńimpazdary anyqtalady

48 retkórsetildi

Ortalyq kommýnıkasııalar qyzmetinde IV «Tumar» Ulttyq televızııalyq báıgesi nomınanttarynyń short-paraǵy jarııalandy. Quramyna medıa ındýstrııasynyń otandyq jáne halyqaralyq ókilderi engen qazylar alqasy óz kategorııasy boıynsha úzdik ataǵyna qyryq úmitkerdi iriktep aldy. 13 naýryz Kazmedıa Ortalyǵynyń Kongress-hollynda estelik statýetka men bir mıllıon teńge kólemindegi aqshalaı syılyq ıegerleriniń esimderi belgili bolady.

«Tumar» Ulttyq televızııalyq syılyǵy 2017 jyly Aqparat jáne qoǵamdyq damý mınıstrliginiń (QR AQDM) bastamasy boıynsha taǵaıyndalǵan. Birneshe jyldyń ishinde otandyq televızııalyq jýrnalıstıkanyń 36 mamany eksklıýzıv músinsheniń ıegeri boldy. Jeńimpazdar qatarynan salanyń maıtalmandaryn da, jas, bolashaǵynan úmit kúttiretin jáne kásibıligi asa joǵary adamdardy da kezdestirýge bolady.

Aqparat komıtetiniń tóraǵasy Lázzat Súıindiktiń aıtýynsha, «Tumar» Ulttyq syılyǵy joǵary kásibı standarttardyń jarqyn sıpatyna aınaldy, sonymen qatar, televızııa qyzmetkerleriniń shyǵarmashylyq izdenisterine oń motıvasııa syılap, salanyń damýyna jáne óz isiniń sheberleri arasynda adal básekelestiktiń ósýine serpin berdi. Bıyl jobada 10 nomınasııa boıynsha 211 jumys qabyldandy. О́tinimderdiń kóp bóligi «Úzdik áleýmettik joba» jáne «Úzdik derekti fılm» nomınasııalary boıynsha kelip tústi, al «Úzdik televızııalyq serıal» nomınasııasynda Qazaqstannyń tórt birdeı jetekshi telearnasynyń tanymal serıaldary statýetkaǵa talaspaq».

«Jyl saıyn jumystardyń sapasy jaqsaryp keledi, mysaly, teleserıaldar tek tv-efırge ǵana emes, sonymen qatar áleýmettik jelilerge de baǵyttala bastady. О́zekti taqyryptar kóbirek qozǵalyp, jańa formattar engizilýde», dep L.Súıindik atap ótti.

Joba júzege asyp kele jatqan jyldar ishinde 898 qatysýshy syılyqqa ıe bolý úshin nıet tanytty, olardyń 138-i short-paraqtarǵa engizilip, bas júlde - belgili zerger-sýretshi Qambar Esmuhanovtyń jezden jáne áınekten jasalǵan eksklıýzıvti «Tumar» músinshesi úshin talasty. Músinshede senim boıynsha ıesin jamandyqtan jáne kóz-suqtan qorǵaıtyn túrki talısmany - tumar beınelengen.

Tórtinshi «Tumar» báıgesi erekshe bolmaq – Ulttyq báıgeniń qazylar alqasynyń múshesi, tanymal telejýrnalıst Láılá Sultanqyzy osylaı pikirimen bólisti.

Medıa-menedjerdiń aıtýynsha, is-sharany uıymdastyrý komıteti ótken jyldardaǵy qazylar alqasy men kásibı qoǵamdastyqtyń usynystaryn eskere otyryp, bıyldan bastap «Tumar» músinshesine mıllıon teńge kólemindegi aqshalaı syıaqy taǵaıyndaýdy sheshti. Oǵan qosa, baıqaý tarıhynda tuńǵysh ret qazylar alqasynyń quramyna tek qazaqstandyq televızııa mamandary ǵana emes, halyqaralyq deńgeıdegi sarapshylar da endi.

Báıgeniń uıymdastyrýshylarynyń biri, «Medıa damytý qory» korporatıvtik qory bas dırektorynyń orynbasary, tanymal telejýrnalıst Mahabbat Esen aıtqandaı: «Ulttyq báıgeniń maqsaty – kásibı mamandarmen ádil baǵalaýdy uıymdastyrý arqyly qazaqstandyq teleındýstrııanyń damýyna septik bolý. Bul degenimiz qazylar alqasynyń aldynda kúrdeli tapsyrma turdy – berilgen jobalardyń barlyǵyn qarap-taldaý jáne olarǵa ádil baǵa berý, bul baǵalaý saladaǵy úzdikterdi tanýǵa, olarmen maqtanýǵa jáne úlgi etýge úlken septik».

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar