Aımaqtar • 11 Naýryz, 2020

Otandyq maqtany qaıta óńdeý úlesi 3 esege ulǵaıady

37 retkórsetildi

Bıylǵy aqpanda elimizdiń jeńil ónerkásibi salasynda óndiris kólemi 12,4% ósti. Onyń ishinde toqyma buıymdary 11,9%, kıim-keshek 9,7%, bylǵary jáne oǵan jatatyn ónimder óndirisinde 11,8% ósim baıqaldy. Bul týraly IIDM baspasóz qyzmeti habarlady.

Jeńil ónerkásip kez-kelgen eldiń ekonomıkasy úshin mańyzdy ról atqaratyndyqtan, álemde bul salany damytýǵa erekshe kóńil bólinip, úlken qoldaý kórsetiledi. 

Qazaqstanda da bul baǵytta aýqymdy jumystar júrgizilýde. Úkimet ótken jyldyń naýryz aıynda 2019-2021 jyldarǵa arnalǵan jeńil ónerkásipti damytý jónindegi jol kartasyn maquldady. Onda kásiporyndardy shıkizatpen qamtamasyz etý, taýarlardyń zańsyz aınalymyna qarsy kúres júrgizý, qazaqstandyq qamtý úlesin arttyrý, ekonomıkalyq yntalandyrý jáne júıeli qoldaý boıynsha sharalar kózdelgen.

Qazirgi elimizde kıim men aıaq kıim óndirýge arnalǵan matalardyń kóptegen túrleri, daıyn teri, fýrnıtýra, sondaı-aq qoldanbaly materıaldar óndirisinde paıdalanylatyn hımııalyq reagentter men boıaǵyshtar óndirisi joq. Bul jaǵdaı tıisinshe daıyn ónimniń ózindik qunyna áser etedi.

Qazaqstanda búgingi tańda qýattylyǵy 31 myń tonnaǵa deıin maqta talshyǵyn óńdeýge múmkindik beretin 4 toqyma maqta óńdeý kásiporny bar. Alaıda, olardyń ekeýi ǵana - «Azala Textile» JShS jáne «Azala Cotton» JShS turaqty jumys istep tur. «Alıans» SО́K Qazaqstan-О́zbekstan birlesken kásiporny 2019 jyldyń jeltoqsanynda «Iýteks» AQ toqtap turǵan óndirisin iske qosty. 

Saladaǵy ózekti problemalardy sheshý maqsatynda Premer-Mınıstrdiń О́kimimen elimizde maqta-toqyma klasterin damytý jónindegi jol kartasy bekitildi. Sonyń sheńberinde «Iýteks» fabrıkasynyń tolyq qýatqa shyǵýy, sondaı-aq tigin óndirisin jáne toqtap turǵan ekinshi fabrıka – «Melanj»-dy iske qosý jónindegi sharalar kózdelgen.

Budan basqa, taıaýda «Ońtústik» AEA-nan tys ornalasqan maqtany qaıta óńdeý jónindegi qoldanystaǵy toqyma fabrıkalaryna arnaıy ekonomıkalyq aımaq preferensııalaryn berýdi qarastyratyn qaýly qabyldaý josparlanyp otyr.

Bul sharalar otandyq maqtany qaıta óńdeý úlesin 3 esege ulǵaıtyp, qosymsha 1 myń jumys ornyn qurýdy qamtamasyz etedi.

Sondaı-aq, Mınıstrlik teri shıkizatyn óńdeý boıynsha kásiporyndardy qoldaý sharalaryn júzege asyrýda. Búginde alynatyn iri qara mal terisiniń barlyq kóleminen (shamamen 3 mln.teri) bylǵary kásiporyndary teriniń 16%-yn óńdeıdi.

Bylǵary kásiporyndarynyń júktemesin, sondaı-aq bylǵary jáne oǵan jatatyn ónim óndirisiniń kólemin ulǵaıtý maqsatynda el aýmaǵynan óńdelmegen iri qara mal terisin shyǵarýǵa ýaqytsha tyıym salyndy. Sondaı-aq negizgi kooperasııany eskere otyryp, sút, teri, jún qabyldaý pýnktterin qurý men damytýdy qarjylandyrýdy kózdeıtin «Birlik» nesıeleý baǵdarlamasyna ózgerister engizildi. Osy baǵdarlama aıasynda Qaraǵandy oblysynda 13 mln. teńgege bir qaryz berildi, onyń ishinde 8,7 mln. teńge jún óńdeý boıynsha jabdyqtar satyp alýǵa jáne 4,3 mln. teńge aınalym qarajatyn tolyqtyrýǵa jumsalýy tıis.

Jeńil ónerkásip salasynyń otandyq kásiporyndaryn, sondaı-aq fashion-ındýstrııany qoldaýǵa baǵyttalǵan osy sharalardyń barlyǵy óndirýshilerge óndiretin taýarlar nomenklatýrasyn keńeıtýge, jańa naryqtarǵa shyǵýǵa, el ishinde otandyq ónim ımıdjin arttyrýǵa jáne nátıjesinde jergilikti qamtý úlesin arttyrýǵa, jańa jumys oryndaryn qurýǵa múmkindik beredi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar