Aımaqtar • 11 Naýryz, 2020

Qyzylorda: Bıýdjettik túsim arqyly aýyldardyń máselesi sheshiledi

94 retkórsetildi

Qyzylordada oblys ákimi Qýanyshbek Ysqaqovtyń tóraǵalyǵymen calyq salý bazasyn keńeıtýge arnalǵan májilis ótti. Onda salyq bazasyn keńeıtý aıasynda byltyr atqarylǵan jumystar men aldaǵy mindetter talqylandy.

Osy taqyrypta memlekettik kirister departamentiniń basshysy Ǵalymjan Orynov baıandama jasady. Habarlamashy saladaǵy máseleniń biri retinde memlekettik satyp alýǵa qatysýshylardyń salyq tóleý kezinde jaldamaly jumysshylar sanyn tolyq kórsetpeıtindigin atap ótti.  

Oblys basshysy salyq salý bazasyn ulǵaıtý jumystary barysyndaǵy keıbir kemshilikterdi synǵa aldy.

– Mysaly, oblystyq polısııa departamentiniń málimeti boıynsha 2019 jyldyń qorytyndysymen aýdandar aıasynda zańdy jáne jeke tulǵalardan kólik quraldarynyń sany – 136 443. Al, aýdandar aqparatynda ol 117 398 bolyp tur, aıyrmasy jer men kókteı. Kólik quraldaryna salyq tóleýshilerdiń sanynyń mundaı alshaqtyǵy túsiniksiz,- dedi oblys ákimi.

Aımaq basshysy avtokólikterdiń salyǵyn retteýge qatysty  qala men barlyq aýdan jáne aýyldyq okrýg ákimderine tapsyrma berdi. Sondaı-aq, memlekettik kirister departamenti men polısııa departamenti birlesip, kólik quraldaryna túgendeý júrgizip, jaramsyz jáne joq kólikterdi memlekettik tirkeýden shyǵarý jumystaryn uıymdastyrýdy tapsyrdy.

Májiliste 4-shi deńgeıli bıýdjet týraly oblystyq ekonomıka jáne bıýdjettik josparlaý basqarmasynyń basshysy Nurǵalı Qordabaı  baıandama jasady. Búginde 4-shi deńgeıli bıýdjet aıasynda salyqtyq túsimderdiń 7 túri, salyqtyq emes túsimderdiń 4 túri jáne bıýdjet shyǵyndarynyń 19 baǵyty aýyl ákiminiń ıeligine berilgen.  

Aımaq basshysy jyl basynda aýdandardy aralaý kezinde aýyldaǵy negizgi problemanyń biri retinde turǵyndar avtomobıl joldaryn jóndeý máselesin jıi  kótergendigin aıtyp, Qyzylorda qalasy men barlyq aýdan, aýyldyq okrýg ákimderi bıýdjet túsimderin barynsha durys josparlap, aýylda jasalýǵa tıisti áleýmettik baǵyttar sheńberinde halyqtyń qajettiligin eskerýdi tapsyrdy.

– Salyq jınalsa, aýyldaǵy áleýmettik máseleler sheshiledi. Barlyǵy da aýyldyń jaǵdaıyn jaqsartýǵa baǵyttalady, qalaı, qaıda jumsaý qajettiligin aýyldaǵy qoǵamdyq keńespen aqyldasa otyryp, sheshýge múmkindik bar. Endi sol sharýany joǵary deńgeıde atqarý sizderdiń mindetterińiz. Sondyqtan bul máselede barlyǵymyz tııanaqtylyq tanytyp, asa jaýapkershilikpen jumys júrgizýimiz qajet. Sebebi onyń artynda halyqtyń ómir súrý sapasy tur. Al, halyqtyń jaǵdaıy biz úshin qashanda basty orynda,- dedi aımaq basshysy.

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar