Aımaqtar • 11 Naýryz, 2020

Mańǵystaý: Sońǵy 4 jylda ınvestısııa kólemi 556,2 mlrdqa jetti

25 retkórsetildi

Mańǵystaýda sońǵy tórt jylda ınvestısııa kóleminiń 37,1%-ǵa ósimi artqan. Bul týraly «Qoǵamdyq Kommýnıkasııa Ortalyǵynda» ótken brıfıng barysynda Mańǵystaý oblysy ákiminiń orynbasary Nurdáýlet Qılybaı málim etti.

О́tken jyly negizgi kapıtalǵa quıylǵan  ınvestısııa kólemi 556,2 mlrd.teńgeni quraǵan, bul 2018 jyldyń sáıkes kezeńimen salystyrǵanda 7,0%-ǵa artyq.

О́tken jyly oblysta 31,6 mlrd teńgege 13 ınvestısııalyq jobany iske asyrý josparlanǵany týraly aıtqan edik. Alaıda, onyń 4-eýi ǵana paıdalanýǵa berilip, 10,3 mlrd teńgege 353 jumys orny qurylǵan. Qalǵan 9 joba ótinish berýshilerdiń tehnıkalyq suraqtaryna baılanysty, osy  jyly iske qosylmaq. 9 joba boıynsha barlyq jumystar 70% - dan astamǵa aıaqtalǵan.

2019 jyldyń mamyr aıynda «Sembol Construction and Engineering» kompanııasynyń túrik ınvestorlary iske asyratyn «Aktau Resort Hotel» kópfýnksıonaldy týrıstik-qonaq úı kesheniniń qurylysy bastalǵany belgili.

«Qurylystyń 1-kezegin 2020 jyldyń 4-toqsanynda aıaqtaý josparlanyp otyr. Týrıstik keshen 500 orynǵa arnalǵan qonaq úı kesheninen, balalar akvaparkinen, fýtbol alańy, kongress-ortalyǵy, meıramhanalar men SPA ortalyq, jaǵajaı korty, jaǵajaı klýby, jeke vıllalar, golf-aımaq, parktik aımaq, teńiz aılaǵy men demalys aımaǵynan turatyn bolady. Týrıstik qonaq úı keshenine jumysqa ornalastyrýmen kadrlardy daıarlaý jumystary júrgizilýde», dedi N.Qılybaı.

Mamyr aıyna deıin 1200 adamdy oqytý josparlanǵan. Onyń ishinde qazirgi ýaqytta 800-den astam adam oqýdy aıaqtap, Antalıa men Dýbaıdyń týrıstik qalalarynda 100-den astam adam tájirıbeden ótpek.

Mańǵystaý oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar