Aımaqtar • 11 Naýryz, 2020

Germanııanyń bas konsýly Krıstıana Markert Túrkistanǵa keldi

230 retkórsetildi

Túrkistan oblysy ákiminiń orynbasary Meıirjan Myrzalıev Germanııa Federatıvti Respýblıkasynyń bas konsýly Krıstıana Markertpen kezdesti. Taraptar eki jaqtyń saýda-ekonomıkalyq, mádenı-gýmanıtarlyq jáne ınvestısııalyq yntymaqtastyǵyn nyǵaıtý múmkindikterin, birlesken jobalardy júzege asyrý joldaryn talqylady. Sondaı-aq oblys basshylyǵy qonaqtardy óńirdiń ekonomıkalyq jáne týrıstik áleýetimen tanystyrdy.

«Qazir Túrkistan naǵyz qurylys alańyna aınalǵan. Kóne shaharda áleýmettik-mádenı nysandarmen qatar halyqaralyq áýejaı, «Uly Jibek joly» Ulttyq qol - óner ortalyǵy, kongress-hol, «Kerýen Saraı» týrıstik kesheni, «Rıksos» jáne «Hılton» syndy álemdik standartqa saı qonaq úıler men basqa da ǵımarattar boı kóterýde. О́ńirimizdiń osynaý áleýetin jáne Qazaqstan men Eýroodaq arasyndaǵy tyǵyz qarym-qatynastardy eskere otyryp, biz barlyq sala boıynsha yntymaqtastyqty damytýǵa daıynbyz»,-dedi oblys ákiminiń orynbasary.

Krıstıana Markert óz kezeginde eki el arasyndaǵy saýda-ekonomıkalyq jáne mádenı baılanystardy arttyrýǵa barynsha qoldaý kórsetip, Germanııa eliniń beldi kompanııalarynyń Túrkistan óńirin damytýǵa baǵyttalǵan jobalaǵa qatysýǵa daıyn ekenin aıtty. Túrkistan oblysynda Eýroodaq elderiniń kompanııalary at salysyp jatqan 8 jobanyń júzege asýda. Olardyń arasynda Eni, Urbasolar sııaqty tanymal kompanııalar bar.

Aıta ketý kerek, ótken jyldyń qorytyndysy boıynsha Qazaqstannyń Germanııamen syrtqy saýda aınalymy 1,4 mlrd dollaryn quraǵan. Elimizde nemis kompanııalarynyń qatysýymen 900- den astam kásiporyn jumys isteıdi. Olardyń arasynda Linde AG, HeidelbergCement, BASF, Knauf, Siemens, Wilo, Metro Cash and Carry, CLAAS sııaqty iri kompanııalardy atap ótýge bolady. Sonyń arqasynda sońǵy 4 jylda eki eldiń kásiporyndary arasynda 2 mlrd eýrodan astam qarjynyń birlesken jobalary júzege asyrylǵan.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar