О́ńirlik kommýnıkasııalar qyzmetinde ótken brıfıngte oblystyq Adamı áleýetti damytý basqarmasynyń basshysy Rahymbek Jolaev joǵaryda atalǵan jetistikterdi bıyl eselendirý basty mindetterdiń biri ekenin jetkizdi. О́ńirdegi 906 mekteptiń 6-y jekemenshik ıeliginde. Bıyl qosymsha 12 jańa mektep paıdalanýǵa beriledi. Úsh aýysymda bilim beretin 5 mektep bar. «Bıyl 7 apatty mekteptiń ornyna jańasyn salý maqsatynda 3 mekteptiń qurylysyna qarjy bólinip otyr. Respýblıka boıynsha dárethanasy dalada ornatylǵan 2352 mektep bar bolsa, sonyń 60 paıyzy Túrkistan oblysynda ornalasqan. 2020 jyldyń 1 qyrkúıegine deıin barlyq mektepterdegi ishki dárethanalar qalpyna keltirilip, syrtqy dárethanalar sanıtarlyq talaptarǵa sáıkestendiriledi. Mektepterge túgel qorshaýlar qoıylady», dedi basqarma basshysy.
Oqýshylardyń qaýipsizdigin qamtamasyz etý maqsatynda oblystaǵy 900 mekteptiń 98 paıyzynda beınebaqylaý júıesi ornatylǵan. Jyl sońyna deıin mektepter beınebaqylaý júıesimen 100% qamtylmaq. Sondaı-aq oqýshylardy qosymsha bilimmen qamtýdy 70 paıyzǵa jetkizý maqsatynda 11 aýdanda «Oqýshylar úıi» ashylýda.
Túrkistan oblysy
