Alǵashqy aınalymdaǵy bes kezdesýdiń qorytyndysy boıynsha Magnıtogorskiniń «Metallýrgyn» 4:1 esebimen utqan Nur-Sultannyń «Barysy» bul mejede Novosibiridiń «Sıbır» klýbymen sheberlik baıqasady.
Bıyl maýsymdaǵy Qurlyqtyq hokkeı lıgasynyń (QHL) turaqty birinshiliginde qarsylastarymyz 10 orynǵa taban tiredi. 62 ret muz aıdynyna shyqqan olar 74 upaı jıdy. Pleı-off dodasynyń alǵashqy kezeńinde «Sıbır» Ekaterınbýrgtiń «Avtomobılıstinen» aılasyn asyrdy. Bul básekede de 4:1 esebi tirkeldi.
Al «Barys» bıylǵy turaqty birinshilikte tórtinshi oryndy ıelendi. Sol jarysta jerlesterimiz 84 upaıdy qorjynǵa saldy.
Joǵaryda atalǵan qos komanda arasyndaǵy alǵashqy eki kezdesý 17 jáne 19 naýryz kúnderi Nur-Sultanda ótedi.
