Kóktemgi kezeńde halyqaralyq kelisimderge sáıkes júkterdiń jáne jolaýshylardyń halyqaralyq tasymaldaryn, tótenshe jaǵdaılardy joıý jáne aldyn alý jónindegi is-sharalardy júzege asyratyn, zardap shekken adamdarǵa gýmanıtarlyq kómek kórsetýdi, azyq-túlik tasymaldaýdy, jolaýshylar men bagaj tasymalyn, dári-dármekterdi tasymaldaýdy júzege asyratyn, sonymen qatar, merdiger uıymdarǵa rekonstrýksııalaý jumystaryn júrgizý úshin berilgen ýchaskelerdegi jol-qurylys jumystaryn júzege asyratyn jyl saıynǵy qoldanylý merzimderine sáıkes jeke bilikke túsetin júktemesi 8 tonnadan artyq avtokólik quraldarynyń qozǵalysyna kóktemgi kezeńde shekteý engizildi.
Sondaı-aq qarýly kúshteri, basqa áskerı kúshter jáne áskerı qalyptastyrý jáne áskerı tasymaldaýlardy júzege asyratyn avtokólik quraldaryna shekteýler taratylmaıdy. Qozǵalysqa ýaqytsha shekteý engizý kezeńinde Qazaqstan jalpy paıdalanymdaǵy respýblıkalyq mańyzy bar avtomobıl joldary boıynsha júrip ótý kezinde ruqsat etiletin avtokólik quraldarynyń ostik massasynyń eń kóp somasy qozǵalysty uıymdastyrý kórsetilgen máninen aspaýy tıis.
«Qazirgi tańda 2020 jyldyń qańtar aıynan búgingi kúnge deıin ıaǵnı, naýryz aıyna 47 ákimshilik quqyq buzýshylyq hattamasy toltyrylyp, 8 mln 420 myń 100 teńgege aıyppul salyndy. Alym sommasy 345 myń 249 teńgeni qurady» dedi Almaty qalasy boıynsha Kóliktik baqylaý ınspeksııasynyń basshysy Hamıtbek Petralıev.
Kóktemgi kezeńde qozǵalysty shekteýdiń jyl saıynǵy qoldanylý merzimderi tómendegideı. Mamandar málimdegendeı, aǵymdaǵy jyldyń 23 naýryzynan 1 mamyryna deıin Aqmola, Aqtóbe, Shyǵys Qazaqstan, Batys Qazaqstan, Qaraǵandy, Qostanaı, Pavlodar, Soltústik Qazaqstan oblystaryna shekteý engiziledi.
Tıisti jyldyń 1 naýryzynan 1 sáýirine deıin, Almaty, Atyraý, Jambyl, Qaraǵandy (Jezqazǵan aımaǵy), Qyzylorda, Mańǵystaý, Túrkistan oblystarynda da shekteý engiziledi.
Al aǵymdaǵy jyldyń 1 maýsymynan 15 tamyzyna deıin, aýanyń temperatýrasy 250S joǵary bolǵan kezde saǵat 11-00-den 21-00-ge deıin birqatar oblysta aýyr júk kólikterine shekteý qoıylmaq. Olar - Aqmola, Aqtóbe, Shyǵys Qazaqstan, Batys Qazaqstan, Qaraǵandy (Qaraǵandy aımaǵy), Qostanaı, Pavlodar, Soltústik Qazaqstan oblystary.
Tıisinshe bıylǵy 1 maýsymnan 31 tamyzǵa deıin, aýanyń temperatýrasy 250S joǵary bolǵan kezde saǵat 10.00-den 22.00-ge deıin Almaty, Atyraý, Jambyl, Qaraǵandy (Jezqazǵan aımaǵy), Qyzylorda, Mańǵystaý, Túrkistan oblystarynda shekteý engizilmek.
