Qarjy • 13 Naýryz, 2020

Ulttyq qor aktıvteri tómendedi

47 retkórsetildi

Qazaqstan qarjygerler qaýymdastyǵynyń habarlaýynsha, 2020 jyldyń qańtar-aqpan aılarynda Ulttyq qorǵa túsken túsim 363,2 mlrd teńgeni qurady, bul ótken jyldyń sáıkes merzimimen salystyrǵanda 37,8%-ǵa nemese 220,7 mlrd teńgege tómen.

 

Ulttyq qorǵa aılar boıynsha túsimder, mlrd teńge: 

Onyń ishinde salyqtyq túsimder 358 mlrd teńgeni qurap, 2019 jyldyń qańtar-aqpanymen salystyrǵanda 37,1%-ǵa tómendedi. Túsimderdiń aǵymdaǵy serpini saqtalǵan jaǵdaıda, 2020 jyly qordyń paıdasyna jıyntyq salyq tólemderi 2 147,8 mlrd teńgeni quraýy múmkin. Esterińizge sala keteıik, 2019 jyly Ulttyq qorǵa túsken jıyntyq salyq kólemi 2 837,2 mlrd teńgeni qurady. Sonymen qatar salyq tólemderiniń barlyq túri boıynsha azaıǵany baıqalady. Aǵymdaǵy jyldyń eki aıynda korporatıvti tabys salyǵy boıynsha túsimder kólemi 121,9 mlrd teńgeni qurady, bul ótken jyldyń sáıkes kezeńimen salystyrǵanda 100,9 mlrd teńgege nemese 45,3%-ǵa tómen. Munaı sektory uıymdarynyń ónimderin bólý boıynsha túsimder 43,7%-ǵa nemese 92,4 mlrd teńgege, 119,0 mlrd teńgege deıin azaıdy. Aǵymdaǵy jyly paıdaly qazbalardy óndirý salyǵy 16,7%-ǵa tómen, al rentalyq salyqtan túsken túsimder 10,4%-ǵa kem. Bul rette esepti kezeńde munaı eksportynyń aıtarlyqtaı tómendeýi baıqalǵan joq. Osylaısha 2020 jyldyń qańtar-aqpan aılarynda Novorossıısk portynda «Kaspıı qubyr konsorsıýmy» teńiz termınaly arqyly munaı tıeý kólemi 10,48 mln tonnany qurady, bul 2019 jyldyń sáıkes kezeńiniń kórsetkishinen 0,2%-ǵa tómen (10,50 mln tonna). Aıta ketý kerek, KQK qubyr júıesine qazaqstandyq munaı eksportynyń 75%-dan astamy keledi.

Aılar boıynsha túsimderdi bólý kezinde, aǵymdaǵy jyldyń qańtarynda Ulttyq qorǵa túsetin salyq túsimderi 2019 jyldyń qańtarymen salystyrǵanda 53,3%-ǵa azaıyp, 51 mlrd teńgeni qurady, al aqpan aıynda túsimder 33,3%-ǵa, 307 mlrd teńgege deıin azaıdy.

2020 jyldyń eki aıynda 838,1 mlrd teńge qor qarajaty paıdalanyldy. Onyń ishinde, 838 mlrd teńge respýblıkalyq bıýdjetke kepildendirilgen transfert túrinde aýdaryldy, al 140,5 mln teńge qor shyǵyndaryn jabýǵa baǵyttaldy. Osylaısha Ulttyq qordyń aktıvteri 2020 jyldyń qańtar-aqpan aılarynda 474,9 mlrd teńgege, 26 565,6 mlrd teńgege deıin tómendedi. Aıta keteıik, «Qazaqstan Res­pýblıkasynyń Ulttyq qorynan 2020 – 2022 jyldarǵa arnalǵan kepil­den­dirilgen transfert týraly» Zańymen Ult­tyq qordan 2020 jáne 2021 jyldary 2,7 trln teńge mólsherinde bıýdjet­ke ke­pil­den­dirilgen transfert qarasty­rylǵan, bul 2022 jyly 2,6 trln teńgege deıin tómendeıdi.

Depozıttiń syıaqy mólsherlemesi qaıta qaraldy

 

2

Qazaqstannyń depozıtterge kepildik berý qory bazalyq mólsherlemeniń ósýine baılanysty teńgedegi depozıtter bo­ıynsha 2020 jyldyń naýryz ben sáýir aılaryna usynylǵan eń joǵary syıaqy mólsherlemesin qaıta qarady. Bıyl 10 naýryzdan bastap Ulttyq banktiń bazalyq mólsherlemesi jylyna 12 paıyz deńgeıinde bekitildi.

Eske sala ketsek, jeke tulǵalardyń qaıtadan tartylǵan depozıtteri boıynsha maksımaldy syıaqy mólsherlemesin anyqtaý jáne bekitý ádistemesine sáıkes usynylǵan mólsherlemeler bazalyq mólsherleme ózgergende qaıta qaralyp, bekitilgen kúnnen bastap kúshine enedi.

О́zgerister merzimsiz salymdarǵa qatysty oryn aldy. О́ıtkeni bul salymdar Ulttyq banktiń bazalyq mólsherlemesi negizinde esepteledi. Iаǵnı mólsherlemeler 9,8 paıyzdan 12,5 paıyzǵa deıin ósti. Sonymen qatar 3 jáne 6 aılyq merzimdi depozıtter jáne 3 aılyq jınaq aqsha salymy boıynsha mólsherlemeler de 13 paıyzǵa deıin joǵarylady.

 Aqyly joldardan 600 mln teńge jınaldy

2020 jyldyń eki aıy ishinde jalpy uzyndyǵy 682 shaqyrymdy quraıtyn 4 aqyly jol ýchaskesinen túsken qarajat 643,1 mln teńgeni qurady. Qazaqstandyqtar respýblıkalyq mańyzy bar «Nur-Sultan – Temirtaý» tasjolymen júrip ótkeni úshin 215,5 mln teńge tólese, «Nur-Sultan – Shýchınsk» tasjolynan túsken qarajat mólsheri 167 mln teńgeni qurady. «Almaty-Qapshaǵaı» jolynan 140,1 mln teńge, «Almaty – Qorǵas» jolynan 120 mln teńge jınalǵan. Aıta ketý kerek, byltyr aqyly jol ýchaskelerinen jınalǵan qarajat mólsheri 5,4 mlrd teńgeni qurady. Onyń 3,8 mlrd teńgesi – aqyly joldardy kútip ustaý sharalaryna, 1,6 mlrd teńgesi tólem alý júıesine qyzmet kórsetý sharalaryna jumsalǵan bolatyn.

2019 jyldyń jeltoqsanynda ınves­tı­sııalyq konkýrstyń qorytyndylary bo­ıynsha joldardyń 11 myń shaqyrymynda tólem alý júıesin ornatý jáne ony kútip ustaý týraly qujatqa qol qoıyldy. Kelisimge sáıkes bıyl rekonstrýksııadan ótken 5,7 myń shaqyrymdyq joldardyń ýchaskelerinde tólem alý júıesi ornatylady dep josparlanýda. Joldardyń qalǵan 5,3 myń shaqyrymy 2024 jylǵa deıin rekonstrýksııalaý sharalarynyń aıaqtalý merzimine baılanysty aqyly bolmaq. Osylaısha júıe aqyly joldardyń kútimine jyl saıyn bıýdjet qarajatynyń bólinýin boldyrmaıdy.

 

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar