О́ner • 13 Naýryz, 2020

«Jadyranyń» jan jadyratar ánderi-aı!

32 retkórsetildi

Qostanaıdaǵy Dostyq úıinde «Jadyra» halyqtyq vokaldyq ansambliniń konserti ótti. Qazir ne kóp – ansambl kóp, án kóp. Biraq «Jadyranyń» jóni bólek. Ansambldi 1991 jyly ánshi-kompozıtor Qaırat Nurǵazın uıymdastyrǵan edi. Rýdnyıda alǵash «Ájeler» ansambli bolyp qurylǵan ujym sol kezde kóp aıtyla qoımaıtyn ulttyq boıaýy qanyq dástúrli halyq ánderi men qazaq kompozıtorlarynyń týyndylarynan ǵana turatyn erekshe repertýarymen ánsúıer qaýymdy ózine birden baýrap alǵan.

Keıin «Jadyra» bolyp óz­ger­gen ujymǵa sońǵy 15 jyldan beri mýzykant ári sazger Vla­dımır Lýsh jetekshilik etip keledi. Bıyl 29 jyldyǵyn atap ótken táýelsizdikpen tól qurdas ansambldiń quramynda eń jasy 55-ti eńsergen, úlkeni 85-ke aıaq basqan jıyrma shaqty ájeı óner kórsetedi. Ánshilerdiń deni zeınet jasynda. О́ner ujymy 2016 jyly halyqtyq ansambl ataǵyn aldy.

Dostyq úıindegi konsert­tik baǵdarlama Abaı Qunanbaı­ulynyń 175 jyldyq mereı­toıy men Jeńistiń 75 jyl­dyǵyna, Qazaqstan halqy Assam­bleıasynyń 25 jyldyǵyna  arnalǵan. Konsertte «Kózimniń qarasy», «Jelsiz túnde jaryq aı», «Qazaǵym», «О́z elim» tárizdi kópshilikke belgili ánder, sondaı-aq «Astana», «Beıbitshilik saqtalady», «Jas qala – Rýdnyı», «Baıtaq jerim, Qostanaı» sııaqty Otan, týǵan jer, jeńis, beıbitshilik, dostyq jáne el astanasy týraly jergilikti aqyn-sazgerlerdiń shyǵarmalary oryndaldy.

– Ansambl quramyndaǵy ánshiler­diń kóbi burynǵy muǵa­lim, satýshy, mehanızator, tárbıeshi, agronom, memlekettik qyzmetshiler. Búginde barlyǵy bir ujym bolyp halyqtyq án­derdi nasıhattap júr. Ujymda Orynbasar Baıtoqova, Múslıma Baımurzınova syndy eki batyr ana bar. Aıa-Sofııa Birmanova men Baıan Zınalıevalar – osy ansambldiń negizin qalaǵan ardager ánshiler. – Búgingi keshte men de jeke daýysta óner kórsetpekpin. «Týǵan jer. Torǵaıym» men Ahmet Baıtursynulynyń «Qar­ǵashyn», Ramazan Elebaev­tyń «Jas qazaq», odan keıin Er­mek Serkebaev oryndaıtyn «Nado mnoı nebo sınee» ánin aıtamyn. Jalpy, ansambldiń repertýarynda 100-den astam án bar. Búgin orys, ýkarın, tatar, polıak tilderinde de án shyrqalady, – deıdi óner ujymynyń janashyry Jaqsylyq Kákenov.

Án keshine jınalǵan ha­lyq Dostyq úıindegi aıadaı ǵana zalǵa syımaı qaldy. Biraz jurt qosymsha qoıylǵan oryn­dyqtarǵa jaıǵassa, qalǵany kon­sertti turyp tamashalady. Halyqtyq ansambldiń jan­kúıer tyńdaýshylary da kóp­ ultty zeınet jasyndaǵy egde kisiler. «Jadyranyń» ánderin tyńdaǵan saıyn janymyz jadyraı túsedi. Bir tyńdaǵan soń umytylyp qalatyn búginginiń bázbir ánderindeı emes, shynaıy sezimnen týǵan otanshyl rýhtaǵy shyǵarmalar boıy­myzǵa qýat quıyp, ómirge degen qushtarlyǵymyzdy arttyra túsedi, – deıdi qostanaılyq eńbek ardageri Ibrahım Aǵytaı.

 

QOSTANAI

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar