Aımaqtar • 13 Naýryz, 2020

Omartashy otbasy

16 retkórsetildi

Túrkistan oblysy Keles aýdany Abaı aýylynyń turǵyny Málik Aıtymbetov 70 jáshik bal arasyn ustaıtyn omartashy retinde de aýylǵa aty málim azamat. Bul ispen aınalysqanyna 7 jyl bolǵan. Búginde otaǵasy 9 ul-qyzdyń ákesi.

Osy ul-qyzdarynyń nesi­be­si ota­ǵa­synyń kásibin damyta, ta­bysyn arttyra túsýge septi­gin tıgizip otyr. Ataýly áleýmettik kómek alǵan otbasy omar­ta­shy­lyqqa qajetti qural-saı­mandardy túgendegen. Iаǵnı Úki­metten 9 balaǵa berilgen 1 mln 498 myń teńge ataýly áleý­mettik kómekti otbasy oıla­sa kele bal jınaıtyn qu­ral­dar, omarta jáshikterin jáne ony kóshirýge tirkeme satyp alýǵa jumsapty.

«Biz aýyl­da­ǵy úlken otbasy sanalamyz. Allanyń bergen 9 ul-qyzy bar. Solardyń nesibesine byltyr ataýly áleýmettik kómek taǵaıyndaldy. Qujatty der kezinde daıyndap, jergilikti ákimdikke ótkizdik. Kóp uzamaı qomaqty qarjyǵa qol jetkizip, ózimniń sharýashylyǵyma qa­jet­ti bar kerek-jaraqty satyp al­dym. Búginde sol arqyly bal­dyń 10 túrin óndirip jatyrmyn» deıdi Málik Aıtymbetov.

Al «Altyn alqa» ıegeri Naǵıma Aıtymbetova jýyrda bala kútiminen bosap, bir mekemege taz­alaýshy bolyp ornalasypty. Aılyq jalaqysy – 40 myń teńge. Omartashylyqty kásip etken otbasynyń tuńǵyshy Nur-Sultan qalasyndaǵy bir joǵary oqý ornynda oqıdy. Kóp balaly ot­basy endi omartashylyqty keńeı­tip, bal arasy jáshikteri orna­lasqan tirkemelerdi tasıtyn júk kóligin satyp alýdy maq­sat etip otyr.

 

Túrkistan oblysy

 

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar