«Depýtattarǵa tutynýshylardyń quqyqtaryn qorǵaý máselelerine qatysty zań jobasy I oqylymda qaraý usynyldy. Májilis Tóraǵasy Nurlan Nyǵmatýlınniń pikirinshe jańa zańnamalyq túzetýler tutynýshylardyń quqyǵyn qorǵaýdy kúsheıtedi.
Bul zań jobasy tutynýshylardyń quqyǵyn qorǵaýdyń tutas jáne túsinikti júıesin qalyptastyrýǵa, tutynýshylyq daýlardy sotqa deıin qaraý máselelerinde ÚEU-dy ınstıtýsıonaldyq nyǵaıtýǵa jáne belsendi paıdalanýǵa, sondaı-aq buzylǵan quqyqtardy qalpyna keltirý jáne materıaldyq zalaldyń ornyn toltyrý úshin tutynýshylardyń quqyqtaryn qorǵaý tetikterin qaıta baǵdarlaýǵa baǵyttalǵan túztýleler engizilý kózdelgen.
Sonymen qatar Májilis depýtattary sıfrlyq tehnologııalardy retteý máseleleri týraly zańnamalyq túzetýlerdi I oqylymda qaramaq. Zań jobasynyń negizgi maqsaty – sıfrlyq tehnologııalady damytý jáne engizý úshin quqyqtyq negiz qurý, sıfrlyq tehnologııalardy engizý jáne qoldaný arqyly qoǵamdyq qatynastardy retteý, aqparattyq-kommýnıkasııalyq tehnologııalar salasyndaǵy jobalardy iske asyrý kezinde jaǵdaılar jasaý bolyp tabylady.
Sondaı-aq jumyldyrý daıyndyǵy men jumyldyrý máselelerine qatysty zań jobasyn ekinshi oqylymda qaraý usynylady. Bıýro otyrysynda depýtattar nazaryna áriptestik týraly negizdemelik kelisimdi ratıfıkasııalaý týraly zań jobasy usynyldy», delingen habarlamada.
