Aımaqtar • 13 Naýryz, 2020

Qyzylorda: Stansıonarlar saqtyq sharalary úshin ashyldy

33 retkórsetildi

Qazirgi epıdemıologııalyq jaǵdaıǵa baılanysty óńirlik kommýnıkasııalar qyzmetinde ótken baspasóz máslıhatynda oblystyq densaýlyq saqtaý basqarmasynyń basshysy Jaqsylyq Abdýsametov aımaqta 22 adam koronavırýsqa baılanysty medısınalyq baqylaýda turǵanyn aıtty.

Olar balalar men jasóspirimderge arnalǵan týberkýlezge qarsy sanatorııada ashylǵan provızorlyq stasıonarda jatyr. 

Basqarma basshysy koronavırýs ınfeksııasy tirkelgen elderden kelgen  azamattar 14 kúnge karantınge ornalastyrylatynyn aıtyp ótti.

Qazir saqtyq sharalary úshin observasııalyq stasıonarlar ashylýda. Shıeli, Qarmaqshy, Qazaly aýdandarynyń aýrýhanalarynda, oblystyq fızıopýlmonologııalyq ortalyqtyń Tereńózek bólimshesinde 400 tósek orynǵa arnalǵan provızorlyq stasıonarlar bar. Munyń barlyǵy tek aldyn alý, saqtyq sharalary ekendigin aıtyp ótkim keledi. Elimizde de, Qyzylorda oblysynda da atalǵan aýrýǵa shaldyqqan adam tirkelgen joq. Sondyqtan alyp qashpa áńgimege senip, azyq túlik, dári-dármek qoryn kóptep alyp qoıýdyń qajeti shamaly, – dedi ol.

Aımaqtaǵy barlyq emdeý mekemeleri qorǵanys quraldarymen, qajetti dári-dármek qorymen jabdyqtalǵan. Ol úshin 43 mln teńge jumsalǵan.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar