Aımaqtar • 13 Naýryz, 2020

Kóshe mádenıeti de, kólik júrgizý tártibi de tómen

56 retkórsetildi

Jyl basynan beri Petropavl qalasynda patrýldik polıseıler 4400-den astam quqyq buzýshylyq anyqtaǵan. Bul 220 myńdaı ǵana halqy bar qala úshin óte úlken kórsetkish.

Munyń ishinde qylmys jasaǵandar ǵana emes, jol tártibin buzýshylar, kóshe erejesin elemeýshiler, joldy belgilenbegen jerden kesip ótýshiler de kóp. Osynyń ózi qala turǵyndary arasynda kóshe mádenıetiniń tómen ekendiginiń belgisi. Bul - mektep jáne basqa da oqý oryndarynyń balalar men jasóspirimderge kóshe mádenıetin egý dárejesiniń nashar deńgeıin kórsetedi. О́kinishke qaraı, eresekter arasynda da qala mádenıetiniń tómendigi baıqalyp qalady. Birde bireý dál aldymyzda ketip bara jatqan júk mashınasy terezesinen jyrtylǵan paketti laqtyra saldy. Onyń oıynsha kóshe-dala, al dalaǵa barlyq qoqysty laqtyra salýǵa bolady. Mine, osynyń ózi mundaı júrgizýshige kóshe mádenıeti múlde tanystyrylmaǵanynyń belgisi. Tipti, ashyq dalaǵa da qoqysty kez kelgen jerge tastaı salýǵa bolmaıdy ǵoı. Ondaıdan bul júrgizýshi múlde beıhabar ekeni sezilip tur. Júrgizýshi kýáligin bererde jol polısııasy jol tártibimen qatar kóshe mádenıeti jóninde de suraqtar berýi kerek sııaqty. Sonda tym bolmasa qalada júrýdiń, kóshe mádenıetinen keıbir júrgizýshiler habar alǵan bolar edi.

Tek qatań talap qana bizdiń adamdarymyzǵa kóshe mádenıetin ornyqtyra alady. Bir jyldary Nur-Sultan qalasynda arnaýly jer emes, kósheniń kez kelgen jerinde temeki burqyratqany úshin aıyppul salynatyn. Sonyń arqasynda kóshede temeki qaldyǵy múlde azaıǵandyǵy aıtylyp edi. Osy tártipti barlyq oblys ortalyqtary da qolǵa alǵany jón.  

Joǵaryda Petropavl qalasyndaǵy biz aıtqan patrýldik polısııa anyqtaǵan 4400 quqyq buzýshylyqtyń ishindegi 49-y–qylmys. Olar tıisti polısııanyń tıisti bólinisterine berilip, qazir sotqa deıingi tergep-tekserý jumystary júrgizilýde. Jalpy, Qyzyljarda táýlik boıy 90-nan asa patrýldik polısııa kezekshilikke tartylady. Olar 10 avtopatrýldik kólikpen, 6 «Modýl» beketi, qalǵandary jaıaý jasaqtar túrinde  patrýldik qyzmetter atqarady. Biraq qala tártibin osy qyzmettiń baqylaýyna ǵana berip qoıýǵa bolmaıdy. Jergilikti bılik tarapynan qalalyqtardyń mádenıetin arttyrý sharalary qolǵa alynbasa, kúnine 200 patrýl shyǵarsań da quqyq buzýshylyqty quryqtaı almaısyń.

Patrýldik polısııa batalony komandıriniń orynbasary, polısııa podpolkovnıgi Bolat Jumaǵazın ashylǵan qylmystardyń basym bóligin urlyq quraıtynyn aıtty. Saıajaılar men kólikterdi tonaý, buzaqylyq faktileri boıynsha qylmyskerlerdi patrýldik polıseıler «izin sýytpaı» ustaıdy eken. Jol qaýipsizdigi jelisi boıynsha buzýshylyqtar kóp jaǵdaıda jaıaý júrginshiler tarapynan jasalady, sondaı-aq júrgizýshilerdiń qaýipsizdik beldigin taqpaýy men jol júrip kele jatyp rólde telefonmen sóılesýi sııaqty buzýshylyqtar da jıi oryn bolyp jatady. Sondaı-aq qoǵamdyq tártipti buzýshylar arasynda masań kúıde júrgen, abattandyrý erejelerin buzǵan jáne usaq buzaqylyq jasaǵandarǵa qatysty hattamalar jıi toltyrylady.

Demalys jáne mereke kúnderi patrýldik polıseıler ýchaskelik polısııa ınspektorlarymen jáne polısııa keshendi kúshteriniń basqa da jasaqtarymen birge qyzmetti kúsheıtilgen rejimde ótkergen. Sonyń arqasynda ótken mereke kúnderi qala turǵyndary men qonaqtarynyń tynyshtyǵy, qaýipsizdigi qamtamasyz etilgen.

Aıta ketetin jaıt, oblystyq Polısııa departamenti shtabynyń aqparatyna qaraǵanda mereke kúnderi (7-9 naýryz kúnderi) Petropavl qalalyq Jedel basqarý ortalyǵynyń «102» nómirine 1369 túrli habarlama kelip túsken. Onyń ishinde 34 – qylmystyq, 95 - ákimshilik quqyq buzýshylyq, 166 – túrli oqıǵalar, sondaı-aq anyqtama sıpatyndaǵy 1000 qońyraý kelip tústi. Qalalyq Jedel basqarý ortalyǵynyń beınebaqylaý kameralarynyń kómegimen qylmystyń ashylýyna yqpal etken 4 fakti anyqtalyp, 129 ákimshilik quqyq buzýshylyq tirkelgen.

 

Soltústik Qazaqstan oblysy

Sońǵy jańalyqtar

Aınurdyń ádemi álemi

Rýhanııat • Búgin, 14:13

Atyraýda 700-ge jýyq ekspress-test bar

Aımaqtar • Búgin, 14:07

Memleket qoldaýy eńse kótertti

Aımaqtar • Búgin, 13:25

Qyzylorda: Naýqastardyń jaǵdaıy qalypty

Koronavırýs • Búgin, 13:21

«Barysqa» daýys bereıik!

Sport • Búgin, 13:15

Almatyda indet oshaǵy qaıta kóbeıdi

Aımaqtar • Búgin, 13:15

Sý tasqynyna qarsy áreketter bastaldy

Aımaqtar • Búgin, 13:00

Juqpaly aýrýlar jaıly jaýhar fılmder

Rýhanııat • Búgin, 12:50

Almatyda onlaın jattyǵý ótedi

Sport • Búgin, 11:51

Jalǵan aqparat taratqan muǵalim ustaldy

Koronavırýs • Búgin, 11:45

Túrkistan: Kásipkerlerdiń kómegi kóp

Aımaqtar • Búgin, 11:13

Naýqastyń jeke deregin kim taratty?

Aımaqtar • Búgin, 10:59

Aqyn Amanhan Álimuly dúnıeden ótti

Rýhanııat • Búgin, 10:53

Qaıyrymdylyq aksııasynyń aýqymy keń

Aımaqtar • Búgin, 09:40

Shekteý sharalary qatań saqtalýy tıis

Koronavırýs • Búgin, 09:18

Meıirlannyń músinderi

Rýhanııat • Búgin, 08:05

Memleket basshysynyń qamqorlyǵy

Qoǵam • Búgin, 07:50

Kúı qudireti

Rýhanııat • Búgin, 07:43

Daýys galereıasy

Rýhanııat • Búgin, 07:39

Uqsas jańalyqtar