Qoǵam • 13 Naýryz, 2020

«Qarama-qaıshylyq kóp»: Senatta medıasııanyń jaı-kúıi talqylandy

58 retkórsetildi

Senatta «Qazaqstan Respýblıkasynyń medıasııa týraly zańnamasy: jaı-kúıi, problemalary jáne jetildirý baǵyttary» taqyrybyna arnalǵan dóńgelek ústel otyrysy boldy. Dóńgelek ústelge qatysýshylar medıasııa máselelerin odan ári jetildirý jónindegi zań jobasyn ázirlengen senatorlarmen qujatty talqyǵa saldy. Bul týraly Parlament Senatynyń baspasóz qyzmeti habarlady.

Konstıtýsııalyq zańnama, sot júıesi jáne quqyq qorǵaý organdary komıtetiniń hatshysy Safınov Qanatbek dóńgelek ústeldi asha kelip, búgingi kúni elimizde quqyqtyq daýlardy sot arqyly sheshýge basa nazar aýdarylatynyn atap ótti.

«Búgin sottarda qaralatyn isterdiń kóbeıýi, bir jaǵynan, sotqa degen senim dárejesi joǵary ekenin bildiredi, ekinshi jaǵynan, bul qoǵamdaǵy qarama-qaıshylyqtyń kóptiginiń belgisi. Qazirgi tańda sot qaraýynda bolmaýy tıis ister kóbeıýde», - dedi Q.Safınov.

Azamattyq ister jónindegi sot alqasynyń sýdıasy Ulbosyn Súleımenova óz sózinde Qazaqstanda 90-nan astam medıatorlar uıymy jumys isteıtinin aıtty jáne elimizde medıasııa ınstıtýtyn damytý Qazaqstan halqy Assambleıasy jumysyndaǵy jańa baǵyttardyń biri ekenin atap ótti. U.Súleımenova sonymen qatar «Medıasııa týraly» zańnyń keıbir baptaryna birqatar túzetýdi, sondaı-aq Jer, Neke (erli-zaıyptylyq) jáne otbasy týraly, Azamattyq is júrgizý, Eńbek kodeksterine ózgeristerdi qarastyrýdy usyndy. Olardyń arasynda otbasy men neke ınstıtýtyn nyǵaıtýǵa yqpal etetin rásimder de bar.

«Nekeni buzý týraly ister jónindegi qoldanystaǵy redaksııa boıynsha sotqa aryz qabyldanǵan sátten bastap 1 aı ótkenshe sot esh áreket jasamaıdy. Taraptar otbasyn saqtap qalýdy taǵy da oılastyrý úshin bul merzimdi 3 aıǵa deıin uzartý usynylady», - dedi ol.

Aqparat jáne qoǵamdyq damý mınıstriniń orynbasary Danııar Esın medıasııa ınstıtýtyn keńinen damytý men qoldanylýyn tejeıtin máseleler týraly aıtty. Onyń ishinde medıasııa rásimderi týraly halyqtyń habardarlyǵy ári olarǵa degen senimniń tómendigi, tıisti uıymdardyń kásibı medıatorlardy daıarlaý sapasyna memleket tarapynan baqylaýdyń bolmaýy týraly da aıtyldy.

«Ulttyq medıatorlar palatasy» respýblıkalyq qoǵamdyq birlestiginiń basqarma tóraǵasy Svetlana Romanovskaıa Qazaqstandaǵy medıasııany jetildirý týraly aıta kelip, joǵary oqý oryndarynda oqytýdyń tıisti standarttaryn ázirleý jáne «medıator» mamandyǵyn memlekettik mamandar tizilimine engizýdi usyndy. Sonymen qatar ol tutynýshylar quqyǵyn qorǵaýda, eńbek jáne otbasylyq daýlarda medıasııanyń mindetti bolýy mańyzdy ekenin atap ótti.

«Qazaqstan medıatorlar qaýymdastyǵy» zańdy tulǵalar birlestiginiń bas dırektory Jandilda Jaqypov elimizde medıasııa ınstıtýty júıesiz damyp kele jatqanyn, medıatorlar uıymdarynyń sany kóptigi men olardyń arasynda biryńǵaı úılesim joqtyǵyn aıta kelip, retteýshi organ qurýdy usyndy.

Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Vladımır Volkov otyrysty qorytyndylaı kelip, elimizde ulttyq zańnamanyń damýyna baılanysty halyqaralyq tájirıbeni nazarǵa ala otyryp, tatýlasýdyń medıasııa sekildi túri Qazaqstan jaǵdaıynda ómirge qaıta engenin atap ótti.

«Osy sala úshin halyqaralyq tájirıbe, tıimdi damý tásilderi jetkilikti jáne óz tájirıbemiz de bar. Bizdiń ómir saltymyzǵa, mádenıetimiz ben oı-órisimizge eń jaqynyn qabyldaý ǵana qalyp otyr. Kásibı turǵyda jan-jaqty zerdeleý jáne ózara tyǵyz is-qımyldyń arqasynda ǵana nátıjege qol jetkizetinimiz ári medıasııa ınstıtýty Qazaqstannyń quqyqtyq keńistiginde óz ornyn alatynyna kúmán joq», - dep atap ótti V.Volkov.

Sońǵy jańalyqtar

EAEO Qazaqstannyń usynysyn qoldady

Qazaqstan • Búgin, 19:57

Jetisaılyq jomart jandar

Aımaqtar • Búgin, 19:53

Indettiń ataýynda qandaı mán bar?

Koronavırýs • Búgin, 19:46

Fýtbol: Havı qaırymdylyq kórsetti

Fýtbol • Búgin, 19:25

Túrkistanda qurylys toqtamaıdy

Aımaqtar • Búgin, 19:23

Ishan baǵy qaıta qalpyna keledi

Rýhanııat • Búgin, 18:48

COVID-19: Indet juqtyrǵandar sany 525-ke jetti

Koronavırýs • Búgin, 17:28

Qaraǵandy oblysy onlaın-oqytýǵa daıyn

Aımaqtar • Búgin, 16:41

? (Suraq belgisi) Poema

Ádebıet • Búgin, 16:23

Senzýrasyz Abaı

Rýhanııat • Búgin, 14:34

BQO: 108 myń oqýshy qashyqtan oqıdy

Aımaqtar • Búgin, 13:23

Uqsas jańalyqtar