«Koronavırýstyq ınfeksııanyń aldyn alý sharalary aıasynda Úkimet búginnen bastap, ıaǵnı 13 naýryzdan bastap kópshilik is-sharalardan bas tartý týraly sheshim qabyldady. Qala basshylyǵy arnaıy aldyn alý sharalaryn júzege asyra bastady. Koronavırýstyq ınfeksııanyń aldyn alý maqsatynda Nur-Sultan ákimdigi jáne Qoǵamdyq densaýlyq saqtaý basqarmasy epıdemııaǵa qarsy rejimdi saqtaý boıynsha birqatar sharany júrgizip jatyr», - dedi Qoǵamdyq densaýlyq saqtaý basqarmasynyń basshysy Sáýle Qısyqova.
Onyń aıtýynsha, koronavırýs dıagnozynda naýqastar tórt sanatqa bólingen.
«Jaǵdaıy jeńil, ortasha jáne aýyr degen dıagnoz qoıylǵan naýqastar. Sondaı-aq úıde karantınge jatqyzylatyn naýqastar. Barlyq aýrýhanalar arnaıy medısınalyq jabdyqtarmen jabdyqtalǵan. Bul quraldar tynys alý júıesi men qan aınalymy júıesiniń asqynýyn emdeýge baǵyttalady. Qajetti quraldar tizimi jetkilikti mólsherde», - dedi basqarma basshysy.
