Medısına • 13 Naýryz, 2020

Gen Lıpın, Bas konsýl: Qytaı Úkimetiniń koronavırýspen kúresi óz nátıjesin bere bastady

80 retkórsetildi

Qytaı Úkimetiniń epıdemııamen kúres jónindegi sharalary men orasan kúsh-jigeri birtindep óziniń jaqsy nátıjesin bere bastady. 

Bul týraly Qytaı Halyq Respýblıkasynyń  Qazaqstandaǵy Bas konsýly Gen Lıpın: «Búkil álemdi alańdatyp otyrǵan koronavırýs pandemııasyna qatysty jaǵdaıdy barshamyz bilip otyrmyz. Men kún saıyn epıdemııalyq jaǵdaıdyń damýyn jiti baqylaı kele, qoǵamdyq densaýlyq saqtaýdy nyǵaıtý búkil álemniń ortaq mindeti ekenin tereń sezinemin.

Sondaı-aq DDSU bas dırektory Tedros Adhan Gebreıesýstyń «Qytaı memleketi qabyldap otyrǵan sharalar tek qana óz halqyn qorǵaýǵa ǵana emes, búkil álemdi saqtaýǵa baǵyttalǵan. Bul epıdemııany jeńýdiń jalǵyz joly –  barlyq memleketter aýyzbirshilik pen yntymaqtastyqqa negizdelgen kúsh-qýatyn biriktirýge umtylý qajet» degen sózin de tereń túsinemin.

Sol sııaqty Qytaı Úkimetiniń epıdemııamen kúres jónindegi sharalary men orasan kúsh-jigeri birtindep óziniń jaqsy nátıjelerin bere bastaǵanyn joqqa shyǵarýǵa bolmaıdy. Ońaıǵa túspegen orasan áreketterdiń arqasynda Qytaıdaǵy koronavırýstyń taralýy aýyzdyqtalyp,  qatań baqylaý aralyq nátıjelerge qol jetkizdi. Sońǵy málimetterge sáıkes, epıdemııa meńdep turǵan kezde kún saıyn 3 myńnan astam koronavırýs juqtyratyn bolsa, sońǵy kúnderi 10 shaqty adamda ǵana bar ekeni anyqtalyp otyr. Bir aıdyń ishinde indet 98 paıyzǵa jeńildi» deıdi. 

Máselen, búgin Qytaıdyń Hýbeıden basqa provınsııasynda 8-shi kún qatarynan koronavırýstyń jańa oqıǵasy tirkelgen joq.

Búgin Hýbeı ólkesiniń Ýhan qalasynda koronovırýstyń 5 jańa jaǵdaıy, provınsııadan tysqary 3 oqıǵa tirkelgenimen, bul adamdar basqa memleketterden oralǵandar.

Qysqasy, Qytaı elinde kún ótken saıyn jaǵdaı turaqtalyp keledi. Keshe 15 adamda koronavırýs juqtyrǵany rastalsa, onyń 8-i Hýbeıde, Shandýnde vırýsqa shaldyqqan 7 adamnyń 6-aýy basqa elderden kelgen.

Qytaı ǵalymdary naýryz aıynyń sońyna deıin nóldik nátıjege jetý úshin shekarany qatań baqylaýǵa alyp, DSSU usynystary men keńesin qatań saqtaıtyn bolady.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar