О́ner • 13 Naýryz, 2020

Otyrarda ashyq aspan astyndaǵy teatr iske qosylady

201 retkórsetildi

Túrkistan oblysy Otyrar aýdanynda «Open air» ashyq aspan astyndaǵy teatry iske qosylyp, tarıhı, kórkem, anımasııalyq fılmder kórermenderge usynylmaq. Teatr qarasha aıyna deıin halyqqa qyzmet kórsetetin bolady.

Sondaı-aq bıyl teatrlarda ál-Farabıdiń 1150, A.Qunanbaıulynyń 175 jyldyq mereıtoılaryna oraı jańa spektaklderdiń premeralary halyq nazaryna usynylady. Atalǵan mereıtoılarǵa baılanysty sáýir aıynda «Teatr kóktemi-2020» kásibı teatrlardyń festıvali men «Halyqtyq» ataǵy bar teatrlardyń baıqaýyn ótkizý josparlanǵan. Sh.Qaldaıaqovtyń 90 jyldyǵyna oraı «Baqyt qushaǵynda» atty retro-festıvalin, «Án erkesi» merekelik konserti, «Meniń Qazaqstanym» oblystyq án baıqaýy jáne barlyq aýdan, qalalarda 80-ge jýyq is-shara ótkizý de bıylǵy josparǵa engen. Bul týraly О́ńirlik kommýnıkasııalar qyzmetinde ótken brıfıngte oblystyq Mádenıet basqarmasy basshysynyń mindetin atqarýshy Ázimhan Qoılybaev málimdedi.

Josparlanǵan is-sharalardyń júzege asýy, árıne, álemge tarap jatqan vırýsqa qatysty shekteýlerge de táýeldi. Degenmen búginde anımasııalyq fılmderdi kóptep usyna bastaǵan óńirde bıyl ál-Farabıdiń 1150 jyldyǵyna oraı «Túrkistan qupııalary» derekti fılmin jáne Abaı Qunanbaıulynyń 175 jyldyǵy aıasynda anımasııalyq fılmderdi túsirý josparlanyp otyr.

Oblysta túsirilgen «Kúsh atasy − Qajymuqan», «Kıeli Qazyǵurt», «Otyrardy qorǵaý» anımasııalyq fılmderi men «Kóne jetigenniń syry» teleserıaly oblystyń barlyq aýdany men qalalarynda jáne jergilikti telearnalar men «Habar», «Asyl arna» telearnalarynan kórsetilgen bolatyn. Búgingi tańda oblysta 679 mádenıet jáne óner mekemesi halyqqa qyzmet kórsetedi.

 

Túrkistan oblysy

Sońǵy jańalyqtar

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Eltańba tarıhy talqylandy

Rýhanııat • Keshe

Uqsas jańalyqtar