Dúnıejúzilik densaýlyq saqtaý uıymy (DDSU) jańa COVID-2019 vırýsyn pandemııa dep jarııalady. Ol – jańa aýrýdyń dúnıejúzilik aýqymda taralýyn bildiredi.
COVID-2019 koronavırýsynyń Qazaqstan terrıtorııasyna ótýin barynsha azaıtý, ulttyq qaýipsizdik pen halyqtyń densaýlyǵyn saqtaý úshin Qazaqstan Respýblıkasynyń Úkimeti qazaqstan-reseı, qazaqstan-qyrǵyz memlekettik shekarasyn ótý kezinde Qazaqstan Respýblıkasynyń azamattary úshin (jeke kýálik, týý týraly kýálik), Reseı Federasııasy azamattary úshin (RF azamatynyń pasporty), Qyrǵyz Respýblıkasy azamattary úshin (ID karta) ishki qujattardyń qoldanylýyn ýaqytsha shekteý týraly sheshim qabyldady.
Sonymen qatar búgingi kúni Reseı Federasııasy terrıtorııasyndaǵy Qazaqstan Respýblıkasynyń azamattary men Qazaqstan Respýblıkasy terrıtorııasyndaǵy reseılik azamattar, sondaı-aq Qyrǵyz Respýblıkasy terrıtorııasyndaǵy Qazaqstan Respýblıkasynyń azamattary men Qazaqstan Respýblıkasy terrıtorııasyndaǵy Qyrǵyz Respýblıkasynyń azamattar elge kelgen kezde qoldanǵan qujattarymen esh shekteýsiz óz elderine qaıta alady.
COVID-2019 koronavırýsy taralýynyń báseńdeýine qaraı qazaqstan-reseı, qazaqstan-qyrǵyz memlekettik shekaralaryn ótý tártibi óz qalpyna keledi.
Qazaqstan-reseı, qazaqstan-qyrǵyz memlekettik shekaralaryn ótý kezinde ishki qujattardyń qoldanylýyn ýaqytsha shekteýge baǵyttalǵan sharalarǵa túsinistikpen qaraýǵa shaqyramyz. Qazaqstan-reseı, qazaqstan-qyrǵyz memlekettik shekarasyn ótý tártibi Qazaqstan Respýblıkasy azamattarynda shetel tólqujaty, Reseı Federasııasynyń jáne Qyrǵyzstan Respýblıkasy azamattarynda shetel tólqujaty bar bolǵan jaǵdaıda ashyq bolyp qala bermek.
