Koronavırýstyq ınfeksııaǵa uqsas klınıkasy bar naýqastardy jatqyzý, dıagnozdaryn anyqtaý maqsatynda 240 tósek-orynǵa provızorlyq stasıonarlar qarastyrylǵan. Barlyǵy – 340 oryn. Odan bólek barlyq aýdandar men qalalardaǵy ınfeksııalyq aýrýlar bólimderi daıyndyq jaǵdaıyna keltirilgen. Qarym-qatynasta bolǵandardy oqshaýlaý úshin oblys aýmaǵyna 505 orynǵa observasııalyq gospıtaldar josparlanǵan.
Túrkistan oblysy Taýarlar men kórsetiletin qyzmetterdiń sapasyn, qaýipsizdigin baqylaý departamentiniń basshysy Nurbek Nyshanov О́ńirlik kommýnıkasııalar qyzmetinde ótken brıfıngte osyndaı derekter keltirdi. Búginge deıin oblys aýmaǵyna kelýshiler arasynda KVI-ǵa kúdikti naýqastar tirkelmegenin málimdedi.
Brıfıngte, sondaı-aq oblys ákiminiń orynbasary Joldymurat Amanbaev óńir turǵyndaryn kópshilik jınalatyn jerlerde saqtyq sharalaryn saqtaýǵa shaqyrdy. Jıyn, kezdesýlerdi azaıtyp, daýryqpaý kerektigin aıtty. «Búgingi tańda oblystyq turaqtandyrý qorynda 6546,6 tonna taýar ónimderi bar. Oblys aýmaǵyndaǵy qoımalar men iri saýda nysandarynda 11 ataýly taýardan 18 567 tonna ónim bar. Iаǵnı, azyq-túlik qory jetkilikti, bazarlar men saýda oryndarynan kóptep alyp, dúrbeleń týǵyzýǵa negiz joq»,– dedi J.Amanbaev.
Al oblys ákiminiń orynbasary Sáken Qalqamanov óńirde 13 naýryzdan bastap ótkiziletin barlyq merekelik, sporttyq, mádenı, tanymdyq is-sharalar toqtatylatynyn jetkizdi. «Áleýmettik jelilerde alyp-qashpa qaýeset sózder kóp taralýda. Bul rette barlyq azamattarǵa tek resmı aqparatqa senýdi ótinemin», – dedi Sáken Amangeldiuly.
