Aımaqtar • 14 Naýryz, 2020

Almaty azyq-túlik, betperde, zalalsyzdandyrý quraldarymen tolyq qamtamasyz etildi

86 retkórsetildi

Almaty birinshi kezektegi qajetti azyq-túlik taýarlarymen, sondaı-aq betperde jáne zalalsyzdandyrý quraldarymen tolyq qamtamasyz etilgegi týraly qalalyq ákimdikte ótken baspasóz máslıhatynda Almaty qalasy ákiminiń orynbasary Saparbek Tuıaqbaev málimdedi.

Tuıaqbaevtyń aıtýynsha, turaqtandyrý qoryna shamamen 18 myń tonna áleýmettik mańyzy bar negizgi azyq-túlik taýarlary satyp alynǵan. Bul – qant, kúnbaǵys maıy, qaraqumyq, kókónis, taýyq eti. Barlyq ónimder Magnum jáne Small saýda jelileri arqyly satylady. Aldaǵy ýaqytta turaqtandyrý qoryna qosymsha qarajat bólinedi.

«Bizde áleýmettik mańyzy bar azyq-túlik taýarlarynyń barlyq 19 túrin jetkizip beretinder bar. Biz olarmen baǵasy jáne jetkizý kólemi týraly osy jyldyń maýsym aıynyń sońyna deıin anyqtap aldyq.

Sondyqtan dúrbeleń bolmaýy kerek. Sońǵy eki kúnde saýda jelilerinde ýaqytsha dúrbeleń oryn aldy. Biraq biz taýarlardy ýaqytynda jetkizdik. Qaladaǵy qoımalarda barlyq qajetti zattar bar», – dep atap ótti Almaty qalasy ákiminiń orynbasary Saparbek Tuıaqbaev.

Jýrnalısterdiń suraqtaryna jaýap bergen qala ákiminiń orynbasary qalada azyq-túlik qaýipsizdigi boıynsha arnaıy shtab qurylǵanyn, ár aýdan ákimdiginiń deńgeıinde jaýapty qyzmetkerler anyqtalǵanyn, ákimdik qalanyń barlyq núktelerinde DDU baǵasy týraly jedel aqparat alyp otyrǵanyn atap ótti.

«Baǵanyń negizsiz kóterilýi anyqtalǵan jaǵdaıda tıisti sharalar qabyldanatyn bolady», – dep atap ótti Saparbek Tuıaqbaev.

«Barlyq másele baqylaýda. Búgingi tańda bizde baǵanyń kóterilýi boıynsha qaýip joq. Taýarlardyń negizgi bóligi – otandyq ónim», – dep tolyqtyrdy sózin ákimniń orynbasary.

Sondaı-aq, ol qaladaǵy dárihanalardyń betperdeler jáne zalalsyzdandyrý quraldarymen qamtamasyz etilgendigin atady. Bul máselede qala ákimdigi otandyq zalalsyzdandyrý quraldaryn, sanıtaızerlerdi óndirýmen aınalysatyn «Avrora Holding» pen betperdelerdi jetkizetin «Dolce Pharm» kompanııasymen kelisimge qol qoıdy dep habarlady qala ákiminiń orynbasary.

«Búgin qalaǵa 60-80 myń betperdeler jetkizildi. Erteń, ıaǵnı demalys kúnderi 140 myńǵa jýyq betperde ákelinbek. Dúısenbiden bastap biz kún saıyn 80 myńǵa jýyq betperde jetkizetin bolamyz. Sondaı-aq, memleket esebinen bizdiń qyzmetimizdiń qyzmetkerleri, onyń ishinde polıseıler, dárigerler, shekara qyzmetiniń qyzmetkerleri jáne basqalary betperdelermen qamtamasyz etiledi», – dedi Saparbek Tuıaqbaev.

Aıtýynsha, barlyq qoǵamdyq kólik quraldaryn, qoǵamdyq oryndardy, aýrýhanalar men emhanalardy zalalsyzdandyrý quraldarymen óńdeý qajet. Osy maqsatta «Avrora Holding» óndiris kólemin arttyrdy. Onyń aınalym qarajatyn ákimdik qamtamasyz etti.

«Sondaı-aq shıkizat jetkizý boıynsha máseleler sheshildi. Bizdiń málimetter boıynsha, bul qarajat qalanyń qajettilikterin qanaǵattandyrý úshin jetkilikti», – dedi ol.

Qala ákimi orynbasarynyń aıtýynsha, qala bıligi qalanyń 20-ǵa jýyq iri dárihanalyq jelileriniń ókilderimen kezdesýler ótkizip, birinshi kezektegi qajetti dári-dármekterdiń baǵasyn baqylaý jáne onyń jetkilikti kólemin qamtamasyz etý boıynsha ýaǵdalastyqqa qol jetkizipti.

Qala ákimdiginde belgili bolǵandaı, qoǵamdyq kólik quraldaryn óńdeý kúndelikti ári mindetti sharaǵa jatqyzylady. Bul shara memlekettik jáne jeke avtokólikterge qatysty. Avtokólik parkteriniń sanıtarlyq jaǵdaıyn tekserý túrde júrgiziledi. Talaptar oryndalmaǵan jaǵdaıda olar jazaǵa tartylmaq.

 

 

ALMATY

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar