Aımaqtar • 14 Naýryz, 2020

Almaty ákimdiginde koronavırýs juqtyrǵandar men indettiń beleń alýyna jol bermeý baıandaldy

30 retkórsetildi

2020 jyldyń 13 naýryzynda Qazaqstanda koronavırýstyq ınfeksııany juqtyrý jaǵdaıy zerthanamen rastalǵany aıan.

Osy máselege oraı, Almatydaǵy О́ńirlik kommýnıkasııalar qyzmeti alańynda ótken brıfıngte qalalyq Qoǵamdyq densaýlyq basqarmasynyń basshysy Tileýhan Ábildaev atqarylǵan jumystar men indettiń taralýyna jol bermeý sharalary týraly málimdedi.

«Qazirgi tańda bul naýqastar Almaty qalasynyń juqpaly aýrýlar aýrýhanasyna oqshaýlandyryldy. DDU usynysymen bekitilgen hattama boıynsha emdeý bastaldy.

Naýqastyń biri 9 naýryzda kelip, QR Bas sanıtarlyq dárigeriniń qaýlysyna sáıkes 1b sanaty boıynsha úı karantıninde boldy. Bul naýqaspen 1B sanatyna jatatyn elden kelgen adamdarǵa úıdegi karantın júıesi qarastyrylǵan edi. Jalpy 1B sanatyna jatatyn elden kelgender nemese COVID-19 vırýsynyń juǵýy yqtımal azamattarmen baılanysta bolǵan jandar sol kúnnen bastap 14 kúnge karantınge jabylady», —dedi Tileýhan Ábildaev.

Jıynda Densaýlyq saqtaý basqarmasynyń basshysy naýqas adammen baılanysta bolǵan barlyq adamdar dárigerlerdiń baqylaýy men provızorlyq emhanalarǵa ornalastyrylyp, aýrýhanaǵa jatqyzylatynyn atap ótti. Olardyń barlyǵyna koronavırýstyq ınfeksııaǵa taldaý jasalady.

О́z kezeginde ekinshi naýqas Almatyǵa búgin túnde Germanııadan ushyp kelgen. Ushyp kelgen sátten-aq oǵan shekteý engizilip, jumys jańa algorıtm men qaýlyǵa sáıkes júrgizildi. Ekıpajdy qosa alǵanda, borttaǵy 12 adamnyń barlyǵy oqshaýlaýlandyrylyp, karantınge, ınfeksııalyq stasıonarǵa ornalastyryldy. Barlyǵynan zerthanalyq zertteýge taldaý alyndy.

Almatydaǵy uıymdarda dárilik preparattar, jeke qorǵaný quraldary men zalalsyzdandyrý quraldarynyń qory jetkilikti.

Qazirgi ýaqytta Almatyda koronavırýsty ınfeksııamen aýyratyn adamdardy emdeý úshin eki juqpaly stasıonarda tósek oryndary ashyldy. Sondaı-aq em-dom júrgizý 250 orny bar medısınalyq ortalyq ashylady. Koronavırýstyq ınfeksııamen baılanysta bolǵan adamdar úshin 3 medısınalyq uıym jumys isteıdi. Qosymsha 1,5 myńnan astam adamǵa arnalǵan tórt mekeme daıyndalýda.

Aldaǵy ýaqytta karantınge oqshaýlaý úshin 3 myńnan astam adamǵa arnalǵan mekeme ashylady.

«Azamattardyń kelýine qolaıly bolý úshin jeke gıgıena quraldaryna deıin barlyq qajetti zattar daıyndaldy. Azamattar táýlik boıy medısınalyq qyzmetkerlerdiń qadaǵalaýynda bolady. Barlyq azamattardy tekserý úshin taldaý synamalary alyndy. Karantındegi azamattardyń barlyǵynda kataraldy qubylystar baıqalmaıdy. Dene qyzýy da joq», — dedi T. Ábildaev.

Esterińizge sala keteıik, koronavırýs tirkelgen eldiń bas sanıtarlyq dárigeriniń qaýlysyna sáıkes, mindetti 14 kúndik karantınge oqshaýlandyrylady. Bul adamdar 1 A sanatyna jatady.

14 kúndik karantın aıaqtalǵannan keıin de 10 kúnge deıin telefon arqyly medqyzmetkerlerdiń baqylaýynda bolady.

«Azamattardyń bul máselege jaýapkershilik tanytyp, túsinistikpen qaraýlaryn suraımyz. О́ıtkeni, ár azamattyń densaýlyǵy osyǵan baılanysty.

Bul 1b sanaty boıynsha úı karantıninde jatqandarǵa da qatysty. Jalpy 1b sanatyna jatatyn elden kelgender nemese COVID-19 vırýsynyń juǵýy yqtımal azamattarmen baılanysta bolǵan jandar sol kúnnen bastap 14 kúnge karantınge jabylady», — dep atap ótti megapolıstiń bas dárigeri.

Karantın kezinde emhana qyzmeti kún saıyn kataraldy qubylystary baıqalǵan azamattardyń qońyraýyna jaýap berip otyrady. JRVI men tumaýdyń belgileri paıda bolǵan kezde turǵylyqty/tirkelgen jeri boıynsha emhanaǵa habarlaý qajet. Medısınalyq qyzmetkerler úıge kelip, tekserý júrgizedi.

«Barlyq kelgen azamattar osy jaǵdaıǵa ortaq qarap, karantın merzimin ustaýy kerek. Talapqa baǵynbaǵandarǵa ákimshilik aıyppul salynady. Eger úı karantınindegi adamnyń talapty buzǵany anyqtalsa, aımaqtyq emhana taýarlar men qyzmetterdiń sapasy men qaýipsizdigi komıtetine, al olar tıisti organdarǵa shaǵymdanady», — dedi ol.

 

ALMATY

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar