Aımaqtar • 15 Naýryz, 2020

«Jolda qabyldaý» júrip jatyr

38 retkórsetildi

Soltústikqazaqstandyq polıseıler «Jolda qabyldaý» respýblıkalyq aksııasy aıasynda azamattardy qabyldap, olardyń suraqtaryna jaýap berýde. Azamattar suraqtaryn oblys ortalyǵynda jáne óńirdiń barlyq 13 aýdandaryndaǵy polısııa bólimderiniń front-ofısterinde, Nur Otan partııasynyń fılıaldarynda, sondaı-aq, Sall-ortalyqtar men WhatsApp messendjerinde qoıa alady.

Tártip saqshylary turǵyndardyń suraqtaryn tyńdap, polısııa vedomstvosynyń áleýmettik jelilerdegi Facebook pen Instagram paraqshalaryndaǵy tikeleı efır kezinde qoldanýshylarǵa keńesterin berdi. Polıseılermen birge soltústikqazaqstandyqtardyń suraqtaryna jaýap berý úshin Soltústik Qazaqstan oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentiniń bólim basshysy Samat Bármenbaev pen SQO boıynsha Memlekettik kirister departamenti kedendik baqylaý bóliminiń bastyǵy Dmıtrıı Osıpov ta qatysty.

SQO PD bastyǵynyń birinshi orynbasary, polısııa polkovnıgi Qanat Aıtbaevtyń aıtýynsha, keń aýqymdy «Joldaý qabyldaý» aksııasy aı saıyn, eki kún boıy ótkiziledi. «Búgingi qabyldaýymyz QR ishki ister mınıstriniń bastamasymen 2019 jyldyń sáýir aıynan bastap jańa formata ótkizilip kele jatqan aksııanyń on ekinshi kezeńi. О́tken jyly «Jolda qabyldaý» aksııasy sheńberinde SQO Polısııa departamentine 4 myńnan astam túrli taqyryptaǵy suraqtar kelip tústi», - deıdi Qanat Aıtbaev.

Maǵjan Jumabaev aýdanynda 30 jyl boıy qujatsyz turyp kelgen apaly-sińlili úsh áıel osy «Jolda qabyldaý» aksııasy kezinde alǵash ret qujattar aldy. Olar Reseı Federasııasynan Qazaqstanǵa 1990 jyly qonys aýdarǵan eken. Aýyldy jerde turyp kelgen Nuǵymanovalar qujattardyń keleshekte qajet bolatyndyǵyna mán bermepti. Endi olar «Jolda qabyldaý» aksııasy barysynda SQO Polısııa departamentiniń bastyǵy polısııa polkovnıgi Marat Tólebaevqa júgingen. Osy ýaqytqa deıin qujat ala almaý sebebi - týý týraly kýálikteri joǵalyp, Reseı tarapynan qajetti jaýaptyń kelmeýi eken. SQO PD Kóshi-qon qyzmeti basqarmasynyń qyzmetkerleri Reseıdegi Qazaqstan elshiligi men adam quqyqtary jónindegi halyqaralyq bıýromen baılanysqa shyǵyp, Nuǵymanovalardyń máselesin sheship berdi. Qazir Darıha, Kámesh jáne Dánııa esimdi úsh Nuǵymanova jeke kýálikterin alýǵa joldama aldy. Olardyń polısııaǵa aıtar alǵysy sheksiz.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar