Aımaqtar • 15 Naýryz, 2020

Mańǵystaý oblysy Polısııa departamentiniń bastyǵy azamattardy jeke qabyldady

61 retkórsetildi

Mańǵystaý oblysy Polısııa departamentiniń bastyǵy polısııa general-maıory Baqtybaev Janarbek Tóleýbekuly Aqtaý qalasynda ornalasqan «Nur Otan» oblystyq fılıalynda qoǵamdyq qabyldaýǵa júgingen azamattardy jeke qabyldady. Bul týraly atalǵan vedomstvonyń baspasóz qyzmeti habarlady.

Azamattar ózderine qatysty kóptegen máseleleriniń sheshimin tabý úshin polısııa jaǵynan qoldaý surady.

Máselen, 70 jastaǵy qala turǵyny kóp tanystyǵy joq azamatqa aldanyp qalǵanyn aıtyp, kómek suraýda. Ataıdyń senimine kirip, aldap, aqshasyn ıelengen. Aryzdanýshynyń aıtýynsha, ol qazir qıyndyqtarǵa tap bolyp, quqyqtyq kómekke muqtaj. Janarbek Tóleýbekuly bul boıynsha aryzdy Aqtaý qalasy Polısııa basqarmasynyń óndirisine qabyldaýǵa naqty tapsyrma berdi. Sonymen qatar, zań júzinde bekitilgen normalarǵa sáıkes sheshim qabyldaıtynyn aıtyp ótti.

Shara barysynda J.Baqtybaev turǵyndardyń saýaldaryna jaýap berdi. Suraqtar kóbinese ákimshilik jáne qylmystyq quqyq buzýshylyqtarǵa baılanysty boldy.

Eki azamat buryn IIO qatarynda qyzmet jasaǵan, qaıta jumysqa turýǵa ótinish bildirdi. Olardyń ótinishterin Kadr saıasaty basqarmasyna qaraýǵa tapsyrma berdi.

Keıbir máseleler sol ýaqytta sheshilse, keıbiri boıynsha quzyrly basqarmalarǵa tapsyryldy.

Departament bastyǵy Janarbek Baktybaevtyń aıtýynsha, osyndaı dıalog, qarym-qatynas aımaqtyń ár jerinde alys turatyn halyqtyń kóptegen máseleleri óz sheshimin tabady.

Mańǵystaý oblysy Polısııa departamentiniń basshylyǵy «Nur Otan» oblystyq fılıalynda toqsan saıyn qoǵamdyq qabyldaý júrgizedi, ár seısenbi kúni saıyn Polısııa departamentinde ótkiziledi.

 

 

Mańǵystaý oblysy

                        

Sońǵy jańalyqtar

Muńǵa toly minájat

Rýhanııat • Búgin, 15:19

Dosy úshin jolǵa shyqqan jankeshti

Rýhanııat • Búgin, 15:15

Sahnadaǵy Abaı beınesin kim qalaı somdady?

Rýhanııat • Búgin, 13:59

Senatta halyqaralyq qujat qaraldy

Parlament • Búgin, 12:39

Shyǵarmashylyqta shekara joq

Rýhanııat • Búgin, 12:25

«Esil tasyp barady jardan asyp...»

Aımaqtar • Búgin, 12:03

Dárigerlerdi demegen darhandyq

Aımaqtar • Búgin, 10:57

Poıyzdar aýrýhanaǵa aınalmaq

Álem • Búgin, 10:55

Uqsas jańalyqtar