Marmelad shyǵarady

Jańa fabrıka byltyr sáýir aıyn­da Shymkent qalasy ákim­digi men «Rahat-Shymkent» JShS arasyndaǵy seriktestik memorandýmy nátıjesinde iske qosylyp otyr. Josparǵa sáıkes shahardaǵy bul fabrıka bir saǵat ishinde 1 tonna, bir jylda 3,5 myń tonna marmelad shyǵa­ratyn bolady.

«Búgin biz marmelad óndiri­siniń jańa jelisiniń iske qosy­lýynyń kýási bolyp otyrmyz. Joba aıasynda memleket tarapy­nan qoldaý taýyp, 90 mıllıon teńge sýbsıdııa tólendi. Qazaq­standyq brendtiń tátti ónimderi TMD elderiniń mádenı astanasy bolyp tanylǵan qalamyzǵa kelgen týrısterdiń aldynda ulttyq bedelimizdi arttyrýǵa septigin tıgizedi dep oılaımyn. Sondyqtan da «Rahat» fabrıkasyn ári qaraı óndirisin keńeıtýge, qalaǵa ınvestısııa tartyp, jańa jumys oryndaryn ashýǵa shaqyramyn», dedi qala ákiminiń orynbasary Maqsut Isahov.

Aıta keterligi, atalǵan joba aıasynda qalaǵa 1,8 mlrd teńge ınves­tısııa tartylyp, 80 adam turaqty jumys ornymen qam­tyl­ǵan. Joba memleket tarapynan qoldaý taýyp, 90 mln teńge sýbsıdııa tólendi.

Bul týraly «Rahat» AQ bas­qar­ma tóraǵasy Konstantın Fedo­res úshinshi megapolıste ón­diriletin marmeladtyń erek­she­ligin tilge tıek etip, kompanııa josparymen bólisti.

«Marmeladtyq ónim segmen­tindegi satyp alýshy­lar­dyń sura­nysy bizge ishki jáne syrt­qy naryqtaǵy turaqty ósimniń baryn kórsetedi. Ol marmelad sekildi quramynda qant kól­emi az kondıterlik ónimderdi tutyný­dyń qazirgi úrdisimen baılanysty. Shymkent qalasyndaǵy óndiristik jeliniń iske qosylýy «Rahat» AQ úshin strategııalyq qadam boldy. Kompanııanyń kelesi josparlarynyń biri – ónim assortımentin arttyrý. Búgingi kúnniń ózinde de agara­gar, pektın, jelatın sekildiń taza shıkizat negizindegi jańa marmelad túrlerin zamanaýı aldyńǵy tehnologııalar arqyly quıyp shyǵarýdy qolǵa alyp otyrmyz», dedi ol.

Búginde zamanaýı qural­dar­men jabdyqtalǵan fabrı­ka­da 30 atalym boıynsha 6 túri ónim óndiriledi. 2019 jyl­ǵy kórsetkish boıynsha óndi­ris orny 20 myń tonna ónim shy­ǵar­ǵan. Qazirgi tańda jyldyq qýat­tylyǵy 3,5 myń tonnany quraıtyn kásiporynnyń marmelad jáne basqa da kondıter ónimderi TMD, Eýropa jáne Azııa elderine eksporttalýda.

ShYMKENT