Sport • 16 Naýryz, 2020

Iri jarystarda irkilis bolady

13 retkórsetildi

Álemdi sharpyǵan koronavırýs dertiniń saldarynan qazirgi tańda álemdik iri dodalar keıinge shegerilse, keıbir sporttyq jarystar kórermensiz ótýde. Onyń ishinde Qazaqstandaǵy sport básekeleri de bar. Al keıbir sheteldik sportshylarda koronavırýs belgileri tabyldy.

Kúni keshe Nur-Sultanda ót­ken koronavırýsqa qatysty baspasóz-máslıhatynda Premer-mınıstrdiń orynbasary Eraly Toǵjanov: «El ishinde josparlanyp qoıǵan birneshe jarys bar ekeni belgili. Atap aıtar bolsaq, «Barys» hokkeı klýby qatysyp jatqan Gagarın kýbogy, fýtboldan el chempıonaty jáne taǵy basqa jarystar. Degenmen oıyndar jospar boıynsha ótedi, biraq kórermenniń barýyna tyıym salynady. Bul halyqaralyq tájirıbe. Barlyq eýropalyq elderde iri komandalar oınap jatyr, biraq kórermender joq. Bizde de osyndaı sheshim qabyldandy», dedi.

Sondaı-aq Qazaqstan fýtbol federasııasy da fýtbol, fýtzal, áıelder fýtboly, balalar men jas­óspirimder, buqaralyq fýtbol, ardagerler arasyndaǵy jarystardy, sonymen qatar bilim berý semınarlary men ártúrli fo­rýmdardy ótkizýdi toqtatý jó­ninde sheshim qabyldady.

Qazirgi tańda shetelde jarys­ta júrgen otandastarymyz da elge oralyp jatyr. Qazaqstannyń Ulttyq Olımpıada komıtetiniń tarat­qan aqparaty boıynsha, sadaq atýdan Qazaqstan quramasy Taı­landtyń Bangkok qalasynda ótip jatqan Azııa kýbogynyń fı­naldyq kezeńine qatyspaı, elge oralady. Jerlesterimizden Dıana Makarchýk altyn, Aqbaráli Qarabaev qola júldege talasýy tıis edi. Al komandalyq ara­las synda qazaqstandyqtar fınalǵa joldama alǵan bolatyn. Sonymen qatar Halyqaralyq tennıs federasııasy Qazaqstan men Argentına arasyndaǵy Federasııa kýbogynyń pleı-off oıyndaryn belgisiz merzimge shegerdi. Atalǵan jarys 17-18 sáýirge josparlanǵan edi.

Koronavırýs ınfeksııasynyń taralýynyń aldyn alý jáne saqtyq sharasyn údetý maqsatynda dzıýdodan shetelde jáne Qazaqstanda ótetin birqatar jarys keıinge shegerildi. Al Halyqaralyq dzıýdo federasııasy Olımpıadalyq sıkldi taǵy bir aıǵa sozdy. IJF kúntizbesindegi sońǵy ózgertýlerde Olımpıadalyq sıkl 30 maýsymǵa deıin sozylǵan. Al qurlyqtyq ja­rystar, jasóspirimder men jastar arasyndaǵy týrnırler 30 sáýirge deıin ótpeıdi. Taek­vondodan Qazaqstan quramasy Belgııada ótetin reıtıngtik «Belgian Open G-2» týrnırine qatys­paıtyn boldy. Al sáýirde Iordanııada josparlanǵan taekvondodan Azııa aımaqtyq Olım­pıadaǵa irikteý týrnıri de keıinge qalýy múmkin. Frıstaıl-mogýldan Idre Felle (Shvesııa) aımaǵynda josparlanǵan álem kýbogynyń sońǵy kezeńi ótpeıtin boldy. Bul týraly Halyqaralyq shańǵy spor­ty (FIS) túrleri federasııasy habarlady. Bul Qazaqstandaǵy jáne qazaqstandyq sportshylar qatysatyn jarystar. Al shetel­degi ishki jarystar sáýirge deıin ótpeıtin boldy.

Atap aıtar bolsaq, fýtboldan Eýropadaǵy TOP-5 chempıonat matchtary toqtatyldy. Italııa chem­pıonaty 9 naýryzdan 3 sáýirge, Ispanııa chempıonaty 12 naýryz­dan 2 aptaǵa, sonymen qatar Fran­sııa men Anglııa birinshiligi de 4 sáýirge deıin toqtatyldy. Al Býndeslıga komandalary ázirshe bul apta demalady.

17-18 naýryzda ótýi kerek bol­ǵan Chempıondar lıgasyndaǵy «Man­chester Sıtı» – «Real», «Iýven­týs» – «Lıon», «Bavarııa» – «Chelsı», «Bar­selona» – «Napolı» oıyn­dary belgisiz ýaqytqa aýystyryldy. Eý­ropa lıgasyndaǵy «Sevılıa» – «Ro­ma» jáne «Inter» – «Hetafe» match­tary da keıinge shegerildi.

Basqa sport túrlerinen Ulttyq hokkeı lıgasy 12 naýryzda, 11 naý­ryzda Ulttyq basketbol lıga­synyń oıyndary toqtatyldy. Tennısten ATP jarystary 12 naý­ryzdan bastap 6 aptaǵa deıin, ITF – 20 sáýirge deıin shegerdi. Sý polosy boıynsha Olımpıadaǵa irik­teý týrnıri mamyrǵa, sáýirde Máskeýde ótýi kerek bolǵan aýyr at­letıkadan Eýropa chempıonaty shil­dege qaldyryldy.

Bıyl jaz aıynda ótýi kerek bolǵan fýtboldan Eýropa chem­­pıonatynyń taǵdyry erteń belgili bolady. Al Tokıo Olım­pıa­dasy men sáýirde ótetin Ha­bıb Nýrmagomedov pen Tonı Fer­gıýson arasyndaǵy UFC 249 jek­pe-jeginiń taǵdyry ýaqyt enshisine qaldyryldy.

Al «Iýventýs» qorǵaýshysy Danıele Rýganı 11 naýryz kúni koronavırýs ınfeksııasyna shal­dyqqan alǵashqy fýtbolshy retinde tirkeldi. Sonymen qatar APL klýb­tarynyń birazynan koronavırýs belgileri anyqtaldy. «Lester» bas bapkeri komandasyndaǵy úsh oıynshydan koronavırýs ta­byl­ǵanyn málimdedi. «Chelsı» sha­­býylshysy Kallým Hadson-Odoı men «Arsenal» klýbynyń bas bapkeri Mıkel Artetada vı­rýs anyqtalǵan. «Everton» jáne «Bornmýt» klýbynyń bir-bir fýt­­bolshysynan koronavırýs ta­byl­ǵan. Qazirgi tańda bul klýbtar ka­rantınge jabylǵan.

 

 

 

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar