Demalys kúni qaladaǵy «Saıran» avtobeketindegi kassalarda stýdentter saǵattap kezekke turdy. Tipti, keıbireýi bılet tappaı keri qaıtqan. Olardyń aıtýynsha, bılet baǵasy ádettegiden 2-3 myń teńgege qymbattap úlgergen. Avto beket qyzmetkerleri bılet tapshylyǵyn joıý maqsatynda barlyq sharalardy qoldanyp jatqandyǵyn aıtady. Negizgi bazadaǵy kólikterden bólek, jolaýshylar tasymaldaýǵa qosymsha jekemenshik avtobýstar tartylǵan. Mekeme bılet baǵasynyń qymbat bolý sebebin osy jaǵdaımen túsindirip otyr. О́ıtkeni, jekemenshik avtobýstardyń suraıtyn aqysy áldeqaıda joǵary.
«Máselen, Qyzylordadan keshe 12 avtobýs aldyrttyq. Olar sol qaladan bos keldi, sol úshin kelý aqshasyn da surap otyr. Sol sebepten de bılet quny 1000 teńgege qymbat bolyp otyr. Qyzylordaǵa bılet 6 myń boldy, oǵan myń teńge qostyq, qosymsha júk baǵasy 720 teńge», deıdi «Saıran» avtobeketi tasymaldaý bóliminiń basshysy Erlan Ábildaev.
Búginde Saıran avtobeketiniń bazasynda 70-ke jýyq avtobýs bar. Qazirgi tańda ásirese Qyzylorda, Shymkent, Túrkistan qalalaryna bıletke suranys artqan.
