Qoǵamdyq tártipti, halyqtyń tynys - tirshiligin jáne kóliktiń jumys isteýin qamtamasyz etetin obektilerdi, asa mańyzdy memlekettik jáne strategııalyq, erekshe rejımdi, rejımdik jáne erekshe qorǵalatyn obektilerdi qorǵaý kúsheıtildi. Osylaısha:
- Iri saýda nysandary men saýda oıyn-saýyq ortalyqtarynyń jumys isteýine shekteý qoıylady, olar saǵat 10.00-den 18.00-ge deıin jumys jasaıdy (azyq-túlik dúkenderi men sýpermarketterdi qospaǵanda);
- Azyq-túlik dúkenderi, sýpermarketter men azyq-túlik bazarlary sanıtarlyq jáne dezınfeksııalyq sharalardy kúsheıte otyryp, ádettegi rejımde jumys isteıdi.
- Kıim-keshek bazarlary saǵat 11.00-den 17.00-ge deıin jumys jasaıdy. Sanıtarlyq jáne dezınfeksııalyq sharalar kúsheıtiledi. Qoǵamdyq tamaqtaný oryndarynda, saýda oıyn-saýyq ortalyqtaryndaǵy fýd-korttar dezınfeksııadan ótip turady;
- Azyq-túlik qaýipsizdigi sharalaryn tıimdi iske asyrý qamtamasyz etilip jatyr, onyń ishinde áleýmettik mańyzy bar azyq-túlik taýarlaryn jetkizý men baǵany turaqtandyrý qamtamasyz etilýde;
- Qoǵamdyq kólikter qalypty rejımde jumys isteıdi. Sońǵy aıaldama pýnktterinde avtobýstar dezınfeksııadan ótedi.
- Balabaqshalar qalypty rejımde jumys isteıdi. Medısınalyq jáne sanıtarlyq baqylaý kúsheıtiledi. Balany aparý ne aparmaýdy ata-ana ózi sheshedi.
- Mektepten tys qosymsha bilim berý obektileriniń (oqýshylar saraıy, shyǵarmashylyq saraılary, aýla klýbtary, úıirmeler, seksııalar, kompıýterlik klýbtar) qyzmeti toqtatyldy; Sondaı-aq barlyq sport nysandary jabyldy. Oqý-jattyǵý jıyndary, sport túrleri boıynsha jattyǵýlar, barlyq deńgeıdegi jarystar toqtatyldy;
- Oıyn-saýyq, sporttyq (kórermenderdiń qatysýynsyz ótkiziletinderdi qospaǵanda) jáne basqa da buqaralyq is-sharalardy, sondaı-aq otbasylyq, salt-dástúr is-sharalaryn ótkizýge tyıym salynady;
- Kınoteatrlardyń, teatrlardyń, kórmelerdiń jáne kóńil kóterý oryndarynyń (túngi klýbtar, karaoke, barlar, monshalar, kompıýterlik klýbtar, fıtnes ortalyqtar, jattyǵý zaldary, basseınder) jáne adamdar kóp jınalatyn basqa da nysandardyń qyzmeti toqtatyldy;
- Meıramhanalardyń, dámhanalardyń jáne ózge de qoǵamdyq tamaqtaný oryndarynyń jumys ýaqyty 22.00 saǵatqa deıin shekteldi, bul rette bir jolǵy adamdardyń sanyn 50-ge deıin shekteý;
- Dámhana men meıramhanalarda jáne t.b. jerlerde kalıandardy paıdalanýǵa tyıym salynady
- Mekemelerge qyzmetkerlerin qashyqtyqtan jumys jasaý rejımine aýystyrý;
- Sondaı-aq densaýlyq saqtaý obektilerinde jáne qart kisiler men múmkindigi shekteýli jandarǵa arnalǵan medısınalyq-áleýmettik obektilerde, áleýmettik ońaltý ortalyqtarynda, balalar úıinde, erekshe qajettiligi bar balalarǵa arnalǵan oqý oryndarynda, ınternattarda sanıtarlyq-dezınfeksııalyq rejım kúsheıtildi. Olarǵa kelýshilerge tıym salyndy.
- Koronavırýs ınfeksııasy jaǵdaıynda onyń órshýine jol bermeı, joıýǵa medısınalyq obektilerdiń daıyndyǵy qamtamasyz etildi;
Koronavırýs ınfeksııasy anyqtalǵan jaǵdaılarda naýqastardy aýrýhanaǵa jatqyzý qamtamasyz etildi, medısınalyq tekserýden ótýge jáne emdelýden bas tartqan, karantın rejımin saqtaýǵa beı-jaı qarap, epıdemıologııalyq jaǵdaıdy jáne t.b. jaǵdaılardy anyqtaýda qolynda bar málimetterdi jasyrǵan kisilerge baqylaý kúsheıtildi.
