«Bul rette mal sharýashylyǵynyń jalpy ónim kólemi 4 paıyzǵa artyp, ósimdik sharýashylyǵynyń ónimi 2019 jyldyń qolaısyz aýa raıyna baılanysty 1.7 paıyzǵa tómendedi. Aýyl sharýshylyǵynyń negizgi kapıtalyna salynǵan negizgi ınvestısııalar 41.1 paıyzǵa artyp, 501.6 mlrd tengeni qurady. Agroónerkásip ónimderiniń eksport 6.4 paıyzǵa ulǵaıyp, 3.3 mlrd AQSh dollaryn qurady. Egin jınaý qorytyndylary boıynsha 17.4 mln tonna astyq bastyryldy. Bul 2018 jyldyń deńgeıinen 2.9 mln tonnaǵa az. Búgingi kúni respýblıka boıynsha qolda 12 mln tonna astyq, onyń ishinde 7.8 tonna bıdaı bar, astyqty ishki tutyný kólemi birinshi shildege deıin shamamen 5.8 tonna al bıdaı 3.8 tonnany qurady», - dedi Saparhan Omarov.
Aýyl sharýashylyǵy mınıstri S.Omarovtyń sózine qaraǵanda, qazir respýblıka boıynsha 1,3 mıllıon tonna áleýmettik mańyzdy taýar qory bar.
–Negizinen aımaqtardaǵy turaqtandyrý qorlaryndaǵy azyq-túliktiń tolymdylyǵy tekserilip, óndirýshilerdiń qoımalaryna, saýda núktelerine monıtorıng júrgizilýde. Qolda bar málimetke súıensek, qazirgi tańda respýblıka boıynsha 1,3 mln tonna áleýmettik mańyzy bar taýar bar, – dedi S.Omarov.
Mınıstr atap ótkendeı, bul taýar halyqty 5-6 aı kóleminde qamtamasyz etýge tolyǵymen jetkilikti. Odan bólek azyq-túliktiń barlyq túri óndirilip te jatyr. О́ńdeýge baǵyttalatyn shıkizat qory da jetkilikti. О́ńdeýshi kásiporyndar qajet bolsa óndiristik qýatty arttyrady.
– Bizdegi negizgi azyq-túlik túriniń biri – bıdaı uny. Bıdaı unynan úsh mıllıon tonna óndirdik. Bul ishki qajettilikti 204 paıyzdyq deńgeıde jabýǵa jetkilikti. 144 myń tonna kúrish óndirildi. Kúrishke ishki suranys kólemi – 76 myń tonna, ıaǵnı qajettilikti 190 paıyz jaýyp otyrmyz. Sol sekildi 165 myń tonna makaron óndirilýde, oǵan ishki suranys – 150 myń tonna, – dedi ol.
