«Qazaqstan kóptegen elden buryn Úkimet deńgeıinde arnaıy saraptamalyq shtab pen vedomstvoaralyq komıssııa qurdy, vırýstyń taralýyna qarsy áreket etý josparyn qabyldady. Dúnıejúzilik densaýlyq saqtaý uıymy jarııalaǵan koronavırýs pandemııasy asa qaýipti aýqymǵa ıe boldy. Sondyqtan qazaqstandyq zańnamaǵa sáıkes men elimizdiń aýmaǵynda tótenshe jaǵdaı engizý týraly Jarlyqqa qol qoıdym» dedi Qasym-Jomart Toqaev.
Tótenshe jaǵdaı rejımi 2020 jylǵy 16 naýryzda tańǵy saǵat 8-den bastap 30 táýlikke engizildi. Prezıdent óz sózinde qajet bolǵan jaǵdaıda tótenshe jaǵdaı rejımi uzartylýy múmkin ekenin aıtty.
